Ẹsta 9:3 - Edo Bible (E Baibol Ẹdo) Version 1996

³ Vbe ẹmwata, avbe emwa hia ni ghi rre ukpo asẹ vbe iyaẹvbo hia, avbe nikhaemwisẹ, eghaẹvbo, ukọ ọba, keghi yi avbe Ju obọ, rhunmwuda ohan e Modekai mu iran.

Ẹsta 9:3 ပူးပေါင်းရင်းမြစ်များ

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Ẹzra 8:36

Iran kevbe mu ebe ne ọgbaisi gbẹn ne iran, iran na mu ne nọ khaemwisẹ kevbe iran ni rre asẹ vbe otọe Orrie Yufretes, iran na vbe ye obọ ya iran ẹre kevbe ugamwẹ vbe Ọgua Osa.

Ẹsta 3:12

Ọ ghi sẹ ikpẹdẹ ne ogiwera ọghe uki ne okaro, e Haman keghi tie avbe ọgbenbe ọba, ọ na gha guan ne iran wa gha gbẹn ọẹn vbene irẹn ya tae nii, ẹmwẹ ne ọba tae, ne a gha vbe zedu ẹre ye ẹvbo ne a zẹ ke odẹ ne a ya gbẹnnẹ emwi ni rre otọe arriọba nii hia ne a viọ gie avbe irriegie ni khaemwisẹ, kevbe ewọe ọba hia. Eni e Kzakzis ọ re a ya ta ẹmwẹ na, a na ya oroka ẹre yi ama asẹ yọ.

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Ẹsta 8:5

“Adeghẹ ọ yẹ ruẹ Umogun, a deghẹ u gele mu ẹmwẹ mwẹ ro, a deghẹ ọ vbe kei vbe aro ruẹ, lahọ, tae ne a ya ẹe wewe ẹe la ehe hia wẹ ne a ghẹ ghi mu ẹmwẹ dan ne Haman tae sẹ, ẹmwẹ dan ne ovbi e Hamedata ne ovbi Agag tae wẹ ne a fuẹn avbe Ju ni rre otọe arriọba na hia a.

Ẹsta 8:9

Ikpẹdẹ eha yan ugie vbe uki ne ogieha ne a tie ẹre Sivan, ọre emwi na na sunu. Modekai keghi tie avbe ọgbenbe ọba, ọ na talọ ẹmwẹ ne iran gha gbẹnnẹ ye ebe gie avbe Ju ma iran gha gbẹnnẹ ye otọ, kevbe gie avbe ni khaemwisẹ, avbe eghaẹvbo, kevbe iran ne ẹwae ọba ni rre iyaẹvbo ihinrọn yan iyehan ni ke India ya sẹ e Sudan.

Daniẹl 3:2

Ọba keghi gie ne a tie avbe ekhaẹmwẹ ọnrẹn hia avbe ivbiọba, avbe e gọvina, akhọwa e gọvina, akọnmisina, olaza, enibuohiẹn ni wegbe, enibuohiẹn kẹkan kevbe avbe emwa ọvbehe ni ghi khaemwisẹ vbe otọe nii, ọ na wẹ ne iran hia gha die ehe ne a ra na kpe ga amazẹ na ne Nebukiadneza ne ọba maẹn.