Ẹsta 9:2 - Edo Bible (E Baibol Ẹdo) Version 1996

² Ehe ne avbe Ju ye vbe dọmwadẹ ẹvbo, iran keghi koko mu egbe ne iran ya gu ọmwaikọmwa ne ọ te ra ru iran emwi gbinna. Ohan iran kegha mu emwa hia vbe ehe hia. A ma vbe miẹn ọmwa ne ohan gie ẹe mu aro igbinna da iran.

Ẹsta 9:2 ပူးပေါင်းရင်းမြစ်များ

Gẹnẹsis 35:5

Ugbẹn vbe Jekọb kevbe ivbi ẹre ghi suẹn gha kpao, ohan nọkhua kegha mu emwa ni rre ẹvbo ni lẹga evba, iran ma khu iran.

Ẹsta 8:11

Ebe na keghi kha wẹ ọba gha kue ne avbe Ju ku obọ gbe avbe otu otu vbe dọmwadẹ ehe ne iran ye, ne iran ya gbinna ne egbe iran. A Deghẹ ivbi ẹvboikẹvbo ne ọ rhirhi a gha khin ghi do hẹ rhu uwa kevbe iran kevbe emwi igbinna vbe obọ, wa ghi gu iran gbinna, ne uwa rẹnkhẹn iran an, kevbe amwẹ iran, kevbe ivbi iran. Iran sẹtin wa gbele iran vbene ọkpa ighi na vbe ke ẹe vbọ, iran ghi vbe viọ emwi ne iran mwẹ.

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Psalm 71:13

Te obọ gha gba iran ni gun mwẹ gbinna ne a fuẹn iran an. Te a gha ya ekhue mu iran, ni ho ne iran kuan mwẹ, ne a vbe fa iran an.

Psalm 71:24

I gha na iyẹn umamwẹ ruẹn ne ebi ro, rhunmwuda, iran ni te ho ne iran kuan mwẹ, obọ gba iran a keghi fa iran an.

Ẹksọdọs 23:27

I gha gie afianma mwẹ gha fian iran ni mu aro igbinna da uwa, I ghi fian otighi fi emwa ne uwa gu gbinna egbe, I ghi vbe gie avbe eghian uwa fi iyeke werriẹ ne iran le hin odaro uwa rre.

Aizaia 8:9

Wa ne uhunmwu ẹvbo, wa ya ohan si egbe koko! Wa danmwehọ, wa ne ẹvbo ni rre urria vbe otọ agbọn na. Wa mu egbe ne uwa ya gbinna. Sokpan, wa gie ohan gha mu uwa. Ẹn, wa mu egbe ne uwa ya gbinna, sokpan, wa gie ohan gha mu uwa.

Diuteronomi 2:30

“Sokpan e Sihọn ne ọba ma kue ne ima la ẹvbo ẹre gberra. E Nọyaẹnmwa ne Osanobua uwa keghi ya ẹe ze vbe udu, ọ kevbe sọtẹ, ne ima miẹn ehe na khọn miẹn ẹre otọe ne ima mu otọ ẹre ne ima ye ye na.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.

Jọsua 2:9

Ọ tama iran wẹẹ, “Mẹ rẹnrẹn wẹ e Nọyaẹnmwa mu otọe na ne uwa nẹ, ne I wa tama uwa nian wẹ ohan uwa wa mu emwa hia ni rre otọe na zẹzẹzẹ.