Ẹsta 9:16 - Edo Bible (E Baibol Ẹdo) Version 1996

¹⁶ Avbe Ju ni rre iyaẹvbo kevbe si egbe koko, iran na gbinna ne egbe iran, iran keghi wabọ avbe eghian hin ehe ne iran ye rre, vbene iran na gbele arhin arria isẹn isen irrọvbe iyenẹ (75,000) ni khuiwu iran, sokpan, iran ma fu emwi viọ.

Ẹsta 9:16 ပူးပေါင်းရင်းမြစ်များ

Gẹnẹsis 34:27

Ivbie Jekọh nekpa na deyan iran ne a kuanrẹn nii, iran keghi viọ emwi hia ni mwẹ emwi ne ọ gia ya ru vbe ẹvbo nii, rhunmwuda wẹ, a fa ọtẹn iran an.

Ẹsta 8:11

Ebe na keghi kha wẹ ọba gha kue ne avbe Ju ku obọ gbe avbe otu otu vbe dọmwadẹ ehe ne iran ye, ne iran ya gbinna ne egbe iran. A Deghẹ ivbi ẹvboikẹvbo ne ọ rhirhi a gha khin ghi do hẹ rhu uwa kevbe iran kevbe emwi igbinna vbe obọ, wa ghi gu iran gbinna, ne uwa rẹnkhẹn iran an, kevbe amwẹ iran, kevbe ivbi iran. Iran sẹtin wa gbele iran vbene ọkpa ighi na vbe ke ẹe vbọ, iran ghi vbe viọ emwi ne iran mwẹ.

Ẹsta 9:2

Ehe ne avbe Ju ye vbe dọmwadẹ ẹvbo, iran keghi koko mu egbe ne iran ya gu ọmwaikọmwa ne ọ te ra ru iran emwi gbinna. Ohan iran kegha mu emwa hia vbe ehe hia. A ma vbe miẹn ọmwa ne ohan gie ẹe mu aro igbinna da iran.

Psalm 149:7

Ne iran ya khọn avbe uhunmwu ẹvbo muotọ, ne iran vbe rri avbe emwa ni oya.

Psalm 37:15

Sokpan, umozo iran tobọ iran ọ re ọ ra gbele iran, a ghi vbiolo uhanbọ iran an.