Ẹsta 9:1 - Edo Bible (E Baibol Ẹdo) Version 1996

¹ Ọ keghi do sẹ ikpẹdẹ ne ogiwera ọghe Ada, ẹdẹ ne a ra ru vbene ọba gie, ne eghian avbe Ju rhie ekhọe yi wẹ obọ iran gha rhanmwẹ avbe Ju. Sokpan, ne ọ gha na te gha yerriọ, obọ avbe Ju keghi ke ukhunmwu ne iran.

Ẹsta 9:1 ပူးပေါင်းရင်းမြစ်များ

II Samuẹl 22:41

U ya iran ne eghian mwẹ lẹ mẹ, I fuẹn iran ni khuiwu mwẹ uan.

Ẹsta 3:13

Iran keghi viọ ne emwa ni rhulẹ, ne iran viọ ẹre gba iyaẹvbo ni rre otọe arriọba nii hia. Emwi ne a gbẹn yọ ọrọre wẹ, a rhie ẹdẹ ọkpa ye otọ, ọnii nọ wẹ ikpẹdẹ ne ogiwera ọghe Ada, a ghi gbele avbe Ju hia kevbe ọmaẹn kevbe ẹghele, ikpia kevbe ikhuo, a wẹ ne a gbele iran an, vbe ne a i na vbe tohan ọmwa, wa ghi vbe viọ emwi iran hia.

Ẹsta 3:7

Ọ ghi rre ukpo nogiweva ne Kzakzis rriọba, vbe uki ne okaro ne a tie ẹre Nisan, e Haman na wẹ ne a yan uta (e Purim ọ re iran tie nene emwi) ya gualọ, ẹghẹ ne ọ kei yi ne irẹn gha ya mu emwamwa dan irẹn sẹ. Iran keghi do bu ẹre ye ikpẹdẹ ne ogiwera vbe uki ne ogiweva ne a tie ẹre Ada.

Ẹsta 8:12

Ẹmwẹ na, te a wẹ ne a mu ẹẹn sẹ la Otọe Arriọba e Pẹsia hia. Vbe ẹdẹ ne iran mwamwa ye otọ ne iran ya gbele avbe Ju, ọnii nọ wẹ ikpẹdẹ ne ogiwera ọghe uki Ada ne ọre uki ne ogiweva.

Ẹsta 8:6

Vbia ra ru hẹ, a deghẹ emwi dan na sunu vbe egbe emwa mwẹ, a na vbe gbele avbe etẹn mwẹ.”

Ẹsta 9:17

Ọna kegha re ikpẹdẹ iwera vbe Ada. Vbe ikpẹdẹ ne ọ lele ẹe ne ọ re ikpẹdẹ iwenẹ, iran ma ghi gbele emwa. Iran keghi lo ẹre zẹ vbe ẹdẹ oghọghọ ne a na re kevbe ne a na da.

Psalm 18:40

U gie avbe eghian mwẹ lẹ mẹ, I fuẹn iran ni khuiwu mwẹ uan.

Psalm 30:11

U ya eve mwẹ khian iku ọyẹnmwẹ nẹ. U mu akhiẹ hin mwẹ egbe rre u kevbe viọ oghọghọ lẹga mwẹ.

Iwinna 12:11

Ẹghẹ nii Pita na do rẹn emwi ne ọ sunu vbe egbe irẹn, ọ na wẹẹ, “Banbanna nian, I rẹnrẹn ighẹ ẹmwata gele nọ, Nọyaẹnmwa gie odibo ẹre ne ọ do miẹn mwẹ fan vbe obọ Hẹrọd kevbe hin obọ emwi ne avbe emwa e Ju te rhie aro yi ne iran ru.”

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Arhie Maan 11:18

Okuosu keghi yi iran ne ni ma yayi, rhunmwuda ọsẹ ẹghẹ ne ohu ruẹ gha ya rre, ne a do bu ohiẹn iran ni wulo nẹ. Ẹghẹ sẹe ne a gha ya san, avbe akhasẹ ne eguọmwadia ruẹ ẹse, ke avbe emwa ruẹn, ni mu ohan ruẹn, ni kpọlọ kevbe ni kanmwa. Ẹghẹ sẹe ne a ya fuẹn iran an ighẹ iran ni fuẹn agbọn uan.”