Ẹsta 8:5 - Edo Bible (E Baibol Ẹdo) Version 1996

⁵ “Adeghẹ ọ yẹ ruẹ Umogun, a deghẹ u gele mu ẹmwẹ mwẹ ro, a deghẹ ọ vbe kei vbe aro ruẹ, lahọ, tae ne a ya ẹe wewe ẹe la ehe hia wẹ ne a ghẹ ghi mu ẹmwẹ dan ne Haman tae sẹ, ẹmwẹ dan ne ovbi e Hamedata ne ovbi Agag tae wẹ ne a fuẹn avbe Ju ni rre otọe arriọba na hia a.

Ẹsta 8:5 ပူးပေါင်းရင်းမြစ်များ

Ẹsta 2:17

Ọba keghi ho ẹmwẹ ọnrẹn sẹ ibiẹka ikhuo nekpa. Ẹmwẹ ọnrẹn keghi la ẹre ekhọe sẹ hia. Ọ keghi mu ẹde ọba rhu ẹre uhunmwu, ọ keghi ya ẹe ma Oloi ye ihe Vasti.

Ẹsta 2:4

Ẹghẹ nii, u ghi rhie ọmọ okhuo ne ọ yẹ ruẹ sẹ vbe ehia ya ru oloi ye ihe Vasti.” Ọba keghi miẹn wẹ ude esi ọ re ọna khin, ọ na rhie owẹ lele ẹe.

Ẹsta 3:1

Ọ ghi kpee fua kherhe, e Kzakzis ne ọba keghi rhie okpia ọkpa ne a tie ẹre Haman ye ukpo iyasẹ. E Haman na kegha re ovbi e Hamedata ne ovbi uniẹn Agag.

Ẹsta 5:8

“A deghẹ u gele wẹ u gha ye itohan rhie emwi ne I nọ rẹn mẹ, Umogun I gha wẹ ne uwẹ vbe Haman mu otuẹ gunmwẹ akhuẹ ne I vbe le evbare ọvbehe khẹ uwa. Ẹghẹ nii ọ re I gha na tama ruẹn emwi ne I ho.”

Ẹsta 7:3

Ẹsta ne Oloi keghi wanniẹn wẹẹ, “A deghẹ ọ yẹ ruẹ Umogun ne u ru mẹ vbene I nọ rẹn, emwi ne I ho ọrọre wẹ ne a gie imẹ kevbe emwa mwẹ di agbọn ya.

Ẹksọdọs 33:13

Banbanna nian, adeghẹ ẹko ruẹ gele rhiẹnrhiẹn ghe mwẹ, tama mwẹ vbene u mwamwa emwi hia hẹ, ne I miẹn ehe na rẹn kevbe ne I sẹtin gha ru vbene ọ ye ruẹ. U ghi vbe yerre wẹ, agbọn ẹvbo na, emwa ruẹn ọre u zẹ iran ẹre ya khian.”

Ẹksọdọs 33:16

Vbe ne ẹmwata, de odẹ ne ọmwa gha ya rẹn wẹ ẹko ruẹ rhiẹnrhiẹn ghe emwa ruẹn kevbe imẹ. A deghẹ u lele ima gha khian mẹ kevbe emwa ruẹn ghi gha re emwa ni miẹn aro ne ọ maa sẹ emwa ọvbehe hia vbe agbọn na.”

I Samuẹl 20:29

Ọ keghi kha wẹẹ, ‘Lahọ gunmwẹ gha khian, rhunmwuda ẹgbẹe ima gha ru emwiukpo izọ ese, etẹn mwẹ keghi kha wẹ ne I ghẹ mwẹ I ma gha rre evba. Rhunmwuda ọnii nian, a deghẹ ọse mwẹ ọ re u khin, gun mwẹ gha khian ya miẹn avbe etẹn mwẹ.’ Ọnii ọ re ọ zẹe ne ẹ i na re ehe ne a na rri evbare vbe ehe ne u ye.”