Ẹsta 8:16 - Edo Bible (E Baibol Ẹdo) Version 1996

¹⁶ Ẹko avbe Ju keghi vuọn ne oghọghọ ọghe a fe vbe iwe, ọyẹnmwẹ kevbe akhọnmiotọ.

Ẹsta 8:16 ပူးပေါင်းရင်းမြစ်များ

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Ẹsta 9:17

Ọna kegha re ikpẹdẹ iwera vbe Ada. Vbe ikpẹdẹ ne ọ lele ẹe ne ọ re ikpẹdẹ iwenẹ, iran ma ghi gbele emwa. Iran keghi lo ẹre zẹ vbe ẹdẹ oghọghọ ne a na re kevbe ne a na da.

Psalm 112:4

Te uwanmwẹ ladian vbe uwu ebiebi ne ọmwa esi, ne iran ni mwẹ itọhan, ẹnina, kevbe ẹmwata.

Psalm 118:27

E Nọyaẹnmwa ọrọre Osanobua ọ wa vbe ru ima ẹse dee ẹdẹ wa viọ abọ erhan mwẹ obọ ne uwa suẹn emwi ukpo nii ne uwa gbe ukpukpẹ lẹga ogiukpo.

Psalm 18:28

E Nọyaẹnmwa, wẹ rhie uwanmwẹ mẹ u keghi khu ebiebi mwẹ fua.

Psalm 30:12

Rhunmwuda ọnii, mẹ i ra hunwan I gha so ihuan urhomwẹ ghe ruẹ e Nọyaẹnmwa, wẹ ọrọre Osanobua mwẹ I gha rhie ekpọnmwẹ ne uẹn rhinrin ẹdẹ.

Psalm 97:11

Uwanmwẹ wan mu ọmwata, kevbe oghọghọ, yan ọmwa esi.

Itan 11:10

Agbọn gha maa emwa ẹmwata vbe ẹvbo, ẹvbo ni ghi de hẹnhẹn, emwa dan gha wulo, uwemwẹ oghọghọ ghi gba ehehia.

Itan 28:12

Emwa esi gha rre asẹ, agbọn hia ghi gha ghọghọ; sokpan, emwa dan gha re ukpo, edọmwadẹ ọghọe ghi rhie uhunmwu lẹre.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.