Ẹsta 7:9 - Edo Bible (E Baibol Ẹdo) Version 1996

⁹ Ọkpa ne a tie ẹre Habona vbe uwu iran keghi kha wẹẹ, “E Haman ru emwi na sẹrriọ wẹ, ọ ru erhan ne a si ọmwa rrọ yi ye owa ẹre, wẹ ne irẹn si e Modekai ni ne ọ miẹn uwẹ ne Umogun fan, rrọ yọ? Ibata ekigbesiyenẹ ọre wa nọ vbe uyomwẹ.”

Ẹsta 7:9 ပူးပေါင်းရင်းမြစ်များ

II Ọba 9:32

E Jehu keghi tọn aro mu, ọ keghi davan wẹẹ, “Gha ọ rre otu mwẹ vba yi?” Ọghẹrriẹnoguan eva ra eha na niẹn urhu la ewindo ladian do ghe ẹre.

Ẹsta 1:10

Ọ ghi sẹ ikpẹdẹ ne ogihinrọn ne iran kegha rri evbare na, ọba kegha da ayọn, ẹko hia na gha sẹ ọre ọyẹnmwẹ, ọ keghi tie avbe ọghẹrriẹnoguan ihinrọn ni wa re odibo irẹn tobọ ẹre, iran na ọ re Mehuman, e Bizta, e Habona, e Bigta, Abagta, e Zeta kevbe Kakas.

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Ẹsta 6:14

Te iran he ye guan vbe avbe ọghẹrriẹnoguan ni rre ẹguae do zẹgiẹgiẹ rhie Haman kpao gha rrie ehe ne Ẹsta na le evbare khẹ iran.

Ẹsta 6:2

Ehe ne iran tie vbọ, usun ẹmwẹ ni rrọọ kegha re vbene Modekai ya rẹn ekhuan ne iran khuan khẹ ọba ne iran gbe ẹe rua hẹ, ekhuan ne Bigtana kevbe Tẹrẹs avbe eghẹrriẹnoguan eva ni khẹ onurho ọba khuan khẹ ọre.

Ẹsta 8:7

E Kzakzis ne ọba keghi tama Ẹsta ne Oloi kevbe Modekai ne Ju wẹẹ, “Ghe, I si e Haman rrọ nẹ rhunmwuda iro dan ne ọ zẹe ghe avbe Ju, I kevbe viọ emwi ẹnrẹn hia ne Ẹsta,

Ẹsta 9:14

Ọba keghi wẹ ne iran ru emwi na, a keghi ya ẹe wewe vbe Susa. A keghi viọ ikun ivbi e Haman igbigbe rrọ ye aza ne emwa miẹn.

Ẹsta 9:25

Sokpan, Ẹsta keghi ya miẹn ọba, ọ re ọba na gbẹn ebe sẹrriọ ne a ghi na miẹn wẹ e Haman ọ re ọ ghi ya uhunmwu mu emwi ne ọ mwamwa ẹn vbe egbe avbe Ju, a kevbe silo irẹn vbe ivbi ẹre rrọ ye erhan ne a silo emwa rrọ yi.

Psalm 141:10

Te emwa dan gha dele ye ifi iran tobọ iran, vbene imẹ gha na la evba gberra hẹnnẹdẹn.

Psalm 35:8

Sokpan, ọkhọ gha rruan iran vbe iran te rẹn, ifi ne iran khuẹn gha munọ iran. Iran ghi ya uhunmwu mu emwi ne iran mwamwaẹn.

Psalm 73:19

A fuẹn iran an vbe udomwurri, ufomwẹ iran keghi khọrhiọn.

Daniẹl 6:24

Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Daniẹl 6:7

Ma hia fẹẹrẹ ni rre asẹ vbe otọe ruẹ na, iran ni su ẹvbo, avbe gọvina, avbe edayi e gọvina kevbe emwa ni rre ukpo nekpa, gba tae kugbe nẹ wẹ ne uwẹ ne ọba yi iyi, ne u vbe miẹn wẹ a wa kakabọ mu ẹẹn sẹ, yi ẹre iyi wẹ vbe uwu ikpẹdẹ ọgban, ne ọmwaikọmwa, ghẹ nọ emwikemwi vbe obọ ẹbọikẹbọ vbe ẹ i re vbe obọ uwẹ ne Umogun. Ọmwaikọmwa ne ọ rra iyi na, a ghi ya fi ẹe fi uwu uvun ne ọ vuọn ne oduma.

I Samuẹl 17:51

Ọ keghi rhulẹ bu ẹre gha khian, ọ na mudia yan rẹn, ọ na yuo umozo e Golaiat hin ako ẹre rre, ọ keghi fian ẹre uhunmwu, ọ na gbe ẹe rua. Ugbẹn vbe ivbi e Filistin ghi miẹn wẹ, asukpekhae iran wu, iran keghi lẹkua.