Ẹsta 7:8 - Edo Bible (E Baibol Ẹdo) Version 1996

⁸ Rẹn ghi wa deguo ye aga nọkhua ne Ẹsta tota yi ne ọ rinmwian ẹn wẹ ne ọ tohan irẹn. Ọba na wa dọlegbe ke uwu ogba la owa, Ọba ghi wa bẹghe ẹre vberriọ ọ keghi datu wẹẹ, “Te oko na ra wa vbe sirra mwẹ gha mu Oloi yagha vbe ehe ne imẹ ye vbe ẹguae mwẹ ra?” Ọba ma he ta ẹmwẹ na fo vbe avbe ọghẹrriẹnoguan mu emwi gue Haman uhunmwu.

Ẹsta 7:8 ပူးပေါင်းရင်းမြစ်များ

Ẹsta 1:5

Vbe iyeke ọnii, ọba keghi le evbare tie ikpia hia ni rre ore Susa ne igiogbẹ sẹ owa, kevbe iran ni fe kevbe avbe ivbiogue. Uzọla hoho ọ re ọ wa ya vbe otọ. Uwu ogba ne a na rhie ẹhoho vbe ẹguae ẹre iran na ru ẹe.

Ẹsta 1:6

Ukpọn ne a ya oru nọfua kevbe ne raghoragho do ọ re a tan lele ogba nii ya te ẹre, a keghi ya okun eto ovbiohuẹ ododo de ẹre ye oroka esiliva mu orre ne a ya okuta ikpẹrọnmwọ ru. A keghi viọ aga nekhua ne a ya esiliva kevbe igoru ru lele ore ẹguae. Emwi ne a ya maa otọ ore nii kegha re ikpokuta ẹrọnmwọ nọfua, ekhae ne ọ baa ne a kpe, ogiete ikpẹrọnmwọ ne ọ fi wainwain kevbe emwi ne ọ ye vbe odan ne raghoragho.

Ẹsta 6:12

E Modekai keghi werriegbe gha rrie onurho ẹguae, vbene Haman na zẹgiẹ gha rrie owa. Ekhue keghi mu ẹẹn sẹrriọ wẹ te ọ ghi viọ obọ gue aro.

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Job 9:24

Osanobua mu agbọn na ne emwa dan, ọ rhu iran ni bu ohiẹn hia aro, a deghẹ ẹire Osa ọre ọ ru ẹe, de ọmwa ne ọ ghi khin?

Aizaia 22:17

U sẹtin gha re ọmwa kpataki, sokpan, Nọyaẹnmwa gha gua a rhie, ọ ghi fi ọ fua.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Emọs 3:12

E Nọyaẹnmwa khare wẹẹ, “Zẹ vbene ọsuohuan rhọ owẹ ra ehọ ohuan ne oduma gbe re vbe otọ, erriọ zẹẹ, ibozẹghẹ ọ re ọ ra miẹn uhunmwu vbe ivbi e Sameria, ni niẹn obọ niẹn owẹ ua lele aga ne purhẹ iran.

Iyẹn ne ọ Maan Ọghe Mak 14:65

Eso vbe uwu iran keghi suẹn gha tu asẹn ku Jesu, iran keghi gba ẹre aro, iran ghẹ ghi fi ẹre emwi nẹ, iran ghi nọ rẹn, “Ta ọmwa nọ fi uẹ emwi!” Iran ni khẹ odẹ keghi rhie ẹre, iran na ya ubi yan rẹn.