Ẹsta 7:7 - Edo Bible (E Baibol Ẹdo) Version 1996

⁷ Ọba keghi ye ohu nọkhua gua kpao, ọ keghi ladian vbe uwu owa, ọ na gha rrie ogba ne a na rhie ẹhoho vbe uwu ẹguae. E Haman bẹghe ẹre nẹ wẹ ọba gha rri irẹn oya ye emwi na, rẹn keghi rhunmwuda ọnii mudia ne ọ rinmwian Ẹsta ne Oloi wẹ ne a ghẹ gbe irẹn ruan.

Ẹsta 7:7 ပူးပေါင်းရင်းမြစ်များ

Ẹsta 1:12

Sokpan, avbe odibo ghi ya tama e Vasti ne Oloi vbene ọba khare, ọ na wẹ rẹn i dee. Emwi na keghi mu ọba ohu ẹsẹse.

Ẹsta 1:5

Vbe iyeke ọnii, ọba keghi le evbare tie ikpia hia ni rre ore Susa ne igiogbẹ sẹ owa, kevbe iran ni fe kevbe avbe ivbiogue. Uzọla hoho ọ re ọ wa ya vbe otọ. Uwu ogba ne a na rhie ẹhoho vbe ẹguae ẹre iran na ru ẹe.

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Psalm 112:10

Emwa dan miẹn ọn, ohu kegha mu iran, ohu mu iran, egbe emwi hia wọ iran, idaehọ iran wirua fo fẹẹrẹ.

Itan 14:19

Te emwa dan gha de igue vbe odaro ẹmwata ne iran vbu aro ne ọ maa vbe obọ iran.

Itan 14:35

Ewọe ni sẹ ekpe ọ re ọ ya ẹko ọba rhiẹnrhiẹn; sokpan, te irẹn rri ọmwa ne ọ ma giee dunna oya.

Itan 16:14

Ọmwa ne ọ wan ghi gha hia ne ọ gha ya ẹko ọba rhiẹnrhiẹn, ohu gha mu ọba, ọmwa hoho sẹtin lae.

Itan 19:12

Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Daniẹl 3:19

Ẹre ohu na ghi wa kakabọ mu e Nebukiadneza, aro ẹre kegha kpannọ ugiọnmwẹ erhẹn rhunmwuda e Siedrak, e Mesiak kevbe Abẹdnigo. Ọ na ghi wẹ ne emwa rẹn koko erhẹn nii ne ọ ya ukhukhu ihinrọn sẹẹ vbene ọ te ka baa sẹ yi.

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.

I Samuẹl 20:7

Ọ gha kha wẹẹ, ‘Ọ maa.’ I gha miẹn uhunmwu, sokpan a deghẹ ohu mu ẹẹn, a ghi rẹn wẹ te ọ mu egbe ne ọ gha ya ru mwẹ emwi.

I Samuẹl 20:9

E Jonatan keghi wanniẹn wẹẹ, “Ghẹ zẹdẹ mu ọnii ro, a deghẹ mẹ gele rẹn wẹ erha mwẹ ho ne ọ gbe ua, mẹ ghẹ ghi tama ruẹn?”

I Samuẹl 25:17

Ya roro ẹmwẹ na ne u rẹn vbene u gha ru ẹe hẹ. Emwi nọkhua sẹtin la ekpa ọna rre do degbe arowa ima kevbe ẹgbẹe ọre. Ọ rhia sẹrriọ wẹ ẹ i danmwehọ ọmwa rhọkpa!”