Ẹsta 7:3 - Edo Bible (E Baibol Ẹdo) Version 1996

³ Ẹsta ne Oloi keghi wanniẹn wẹẹ, “A deghẹ ọ yẹ ruẹ Umogun ne u ru mẹ vbene I nọ rẹn, emwi ne I ho ọrọre wẹ ne a gie imẹ kevbe emwa mwẹ di agbọn ya.

Ẹsta 7:3 ပူးပေါင်းရင်းမြစ်များ

I Ọba 20:31

Emwa rẹn keghi bu ẹre gha khian, iran tama rẹn wẹẹ, “Ma họẹn wẹ emwa itohan ọ re avbe ọba Izrẹl khin. Rhie asẹ ne ima, ne ima viọ ukpọn akhiẹ rhuan, ne a vbe rilo irri ye urhu bu ọba Izrẹl gha khian, u gha ghe, ọ gha zẹ ima obọ.”

II Ọba 1:13

Ọba keghi gie ọkaokuo kevbe arhin ekigbesiyeha, ọvbehe gha rrie oke nii, rẹn keghi hin oke nii ọ keghi diguẹ ye Elaija odaro, ọ rinmwian ẹẹn wẹẹ, “Ọmwa Osanobua, tohan mwẹ tohan emwa mwẹ. Gie ima gha rre agbọn.

Ẹsta 4:8

Ọ keghi rhie ọkpa ne Hatak vbe ebe ne a gbennẹ mu ladian vbe Susa wẹ ne wa fuẹn avbe Ju hia a. E Modekai na tama rẹn wẹ ne ọ rhie ebe ni ne Ẹsta, ne ọ vbe rhan otọ vbene emwi hia ye hẹ ma rẹn, ne ọ tama rẹn wẹ ne ọ bu ọba gha khian, ne ọ ya rinmwian wẹ ne ọ tohan emwa rẹn.

Ẹsta 5:8

“A deghẹ u gele wẹ u gha ye itohan rhie emwi ne I nọ rẹn mẹ, Umogun I gha wẹ ne uwẹ vbe Haman mu otuẹ gunmwẹ akhuẹ ne I vbe le evbare ọvbehe khẹ uwa. Ẹghẹ nii ọ re I gha na tama ruẹn emwi ne I ho.”

Ẹsta 7:7

Ọba keghi ye ohu nọkhua gua kpao, ọ keghi ladian vbe uwu owa, ọ na gha rrie ogba ne a na rhie ẹhoho vbe uwu ẹguae. E Haman bẹghe ẹre nẹ wẹ ọba gha rri irẹn oya ye emwi na, rẹn keghi rhunmwuda ọnii mudia ne ọ rinmwian Ẹsta ne Oloi wẹ ne a ghẹ gbe irẹn ruan.

Ẹsta 8:5

“Adeghẹ ọ yẹ ruẹ Umogun, a deghẹ u gele mu ẹmwẹ mwẹ ro, a deghẹ ọ vbe kei vbe aro ruẹ, lahọ, tae ne a ya ẹe wewe ẹe la ehe hia wẹ ne a ghẹ ghi mu ẹmwẹ dan ne Haman tae sẹ, ẹmwẹ dan ne ovbi e Hamedata ne ovbi Agag tae wẹ ne a fuẹn avbe Ju ni rre otọe arriọba na hia a.

Job 2:4

Esu keghi wanniẹn wẹẹ, “Ọmwa sẹtin viọ emwi hia ne ọmwa ya de uhunmwu ẹnrẹn ye agbọn.

Jerimaia 38:26

U ghi tama iran wẹ te u gha rinmwian mwẹ ne I ghẹ dọlegbe rhie ruẹ gha rrie ẹwẹdọ ne u ya wu ye evba.”