Ẹsta 7:10 - Edo Bible (E Baibol Ẹdo) Version 1996

¹⁰ Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Ẹsta 7:10 ပူးပေါင်းရင်းမြစ်များ

Gẹnẹsis 40:22

sokpan ọ keghi si ọkaolotu e ni le ebrẹd rrọ. Ọ na kegha re emwi ne Josẹf wẹ a ya imina iran kha zẹẹ.

Ẹsta 2:1

Vbe iyeke emwi na, uhin, vbe ohu ọba ye dọyọ nẹ, ọ keghi ye gha mu emwi ne Vasti ru ro kevbe ẹmwẹ ne irẹn ya gie emwa hia uhunmwu vbe ekpa ẹre.

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Ẹsta 7:7

Ọba keghi ye ohu nọkhua gua kpao, ọ keghi ladian vbe uwu owa, ọ na gha rrie ogba ne a na rhie ẹhoho vbe uwu ẹguae. E Haman bẹghe ẹre nẹ wẹ ọba gha rri irẹn oya ye emwi na, rẹn keghi rhunmwuda ọnii mudia ne ọ rinmwian Ẹsta ne Oloi wẹ ne a ghẹ gbe irẹn ruan.

Ẹsta 7:8

Rẹn ghi wa deguo ye aga nọkhua ne Ẹsta tota yi ne ọ rinmwian ẹn wẹ ne ọ tohan irẹn. Ọba na wa dọlegbe ke uwu ogba la owa, Ọba ghi wa bẹghe ẹre vberriọ ọ keghi datu wẹẹ, “Te oko na ra wa vbe sirra mwẹ gha mu Oloi yagha vbe ehe ne imẹ ye vbe ẹguae mwẹ ra?” Ọba ma he ta ẹmwẹ na fo vbe avbe ọghẹrriẹnoguan mu emwi gue Haman uhunmwu.

Ẹsta 8:7

E Kzakzis ne ọba keghi tama Ẹsta ne Oloi kevbe Modekai ne Ju wẹẹ, “Ghe, I si e Haman rrọ nẹ rhunmwuda iro dan ne ọ zẹe ghe avbe Ju, I kevbe viọ emwi ẹnrẹn hia ne Ẹsta,

Ẹsta 9:14

Ọba keghi wẹ ne iran ru emwi na, a keghi ya ẹe wewe vbe Susa. A keghi viọ ikun ivbi e Haman igbigbe rrọ ye aza ne emwa miẹn.

Ẹsta 9:25

Sokpan, Ẹsta keghi ya miẹn ọba, ọ re ọba na gbẹn ebe sẹrriọ ne a ghi na miẹn wẹ e Haman ọ re ọ ghi ya uhunmwu mu emwi ne ọ mwamwa ẹn vbe egbe avbe Ju, a kevbe silo irẹn vbe ivbi ẹre rrọ ye erhan ne a silo emwa rrọ yi.

Job 18:8

Ọ khian la uwu ọgua, emwi mu ẹre owẹ,

Job 20:8

Te a ra ho ẹre bẹkun vbe imina zẹ vbe umian ne a miẹn vbe asọn. A i ghi dọlegbe miẹn ọẹn ọvbehe.

Psalm 37:15

Sokpan, umozo iran tobọ iran ọ re ọ ra gbele iran, a ghi vbiolo uhanbọ iran an.

Psalm 7:16

Rhunmwuda ọnii, iran ọ re ọ ghi rrioya ye ọkhọ ne iran ru. Iran ọ re ọkpankpan iran ghi kuan ẹre egbe.

Psalm 94:23

Ọ gha rri iran oya ye emwi dan ne iran ru, ọ gha fuẹn iran an ye ẹmwẹ orukhọ iran, e Nọyaẹnmwa, Osanobua mwa gha fuẹn iran an.

Itan 11:27

Adeghẹ vbene uwẹ ho ne ọ sunu maa, emwa ghi gha ya ọghọ ne uẹn sokpan, adeghẹ ọlọghọmwa wẹ gualọ, ọlọghọmwa nii ọ re u ra vbe miẹn.

Itan 11:8

A degue emwa ẹmwata hin obọ ọlọghọmwa rre, ọmwa dan ọ re ọ ghi bu rre ye ihe ẹre.

Itan 26:27

Emwa ni khuẹn ifi khẹ ẹrrẹe, ọ re ọ de ye nene ifi. Iran ni rrua ekẹn, ọ re ekẹn rẹnkhẹn uan.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Ezikiẹl 5:13

“Wa gha họn ẹmwẹ obọ ohu kevbe okuosu mwẹ vbe egbe, a te do miẹn wẹ ẹko ẹre vuọn mwẹ. Ena hia ghẹ ghi sunu nẹ, wa ghi do rẹn wẹ te imẹ ne Nọyaẹnmwa gu uwa guan rhunmwuda ohu mu mwẹ ye uyinmwẹ a ma guobọ ọmwa uwa.

Daniẹl 6:24

Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Daniẹl 6:25

Ẹre Dariọs ne ọba na gbẹnnẹ ebe gie emwa ni rre uhunmwu ẹvbo hia, emwa ughughan kevbe ẹvbo ne a zẹ ni rre otọ agbọn wẹẹ, “I giotuẹ uwa hia!

Zẹkaraia 6:8

Ẹre odibosa nii na ni urhu tama mwẹ wẹẹ, “Avbe ẹsin ni mu uhunmwu da odẹ okuọ gha rrie Babilọn, ya ohu e Nọyaẹnmwa dọyọ nẹ.”

Giọgis 15:7

E Samsin keghi tama iran wẹẹ, “I i, erriọ uwa ye ra? U gha miẹn i ghe I gha kuẹtin vbe ẹ i re te I vbe ru uwa ẹre nẹ.”