Ẹsta 6:9 - Edo Bible (E Baibol Ẹdo) Version 1996

⁹ U ghi wẹ ne ọkpa vbe uwu iran ne ukpo ẹre yo sẹẹ vbe ekhaẹmwẹ ruẹn ya mu ọmwa na egbe, ne a ya ẹsin na mu ẹẹn ya lẹga vbe ore ẹvbo. Ọkhaẹmwẹ ni ghi tae vbe iran a gha khian wẹ, ‘Wa ghe vbene ọba san ọmwa ne ọ ho ne ọ mu uyi ye ọre egbe ẹse hẹ!’ ”

Ẹsta 6:9 ပူးပေါင်းရင်းမြစ်များ

Gẹnẹsis 41:43

Ọ ke wẹ ne ọ hin ikẹkẹ okhuae nogieva ọghe ọba, iran ni wan ẹvbo hin odẹ rre ke odaro nẹẹn gha go wẹẹ, “Wa wan ruan.” Erriọ ọre a ya ye Josẹf ru enọkhaemwisẹ yan Igipt.

Ẹsta 6:10

Ẹre ọba ghi na tama e Haman wẹẹ, “Zẹgiẹ ya viọ nene ukpọn kevbe ẹsin ne u ya mu uyi ye Modekai ne Ju egbe. Wa ru avbe emwi ne u tae nii hia ne ẹẹn. U gha miẹn ọẹn vbe ọ tota ye onurho ẹguae.”

Ẹsta 6:6

Ẹre Haman na la owa. Ọba keghi tama rẹn wẹẹ, “Ọmwa ọkpa rrọ ne i ho ne I i mu uyi ye ọre egbe. Vbe I a gha ru ne ọmwa na?” E Haman keghi rorọe vbe ekhọe ẹre wẹẹ, “De ọmwa ne ọba ho ne ọ mu uyi ye ọre egbe na yi? Mẹ wa nọ.”

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.