Ẹsta 6:4 - Edo Bible (E Baibol Ẹdo) Version 1996

⁴ Ọba keghi nọ wẹẹ, “Irriegie mwẹ rhọkpa rre ẹguae ra?” Vbe ẹghẹ ne a kha na te Haman he wa da la ẹguae ne ọ do khama ọba wẹ ne a si Modekai rrọ ye ehe ne a si emwa rrọ yi ne irẹn ru ye otọ.

Ẹsta 6:4 ပူးပေါင်းရင်းမြစ်များ

Ẹsta 4:11

“A deghẹ ọmwaikọmwa la odẹ ugha vbe ẹguae, ọ na ya miẹn ọba vbe ne a ma na gie na a tie ẹre, te a gbe ọmwa nii uan, ọ re okpia na nọ ra okhuo nọ. Uhi ne ọ rrọọ ọ re ọnii khin, emwa hia wa rẹn ọna ke egbe avbe iguọbaziro kpao ya sẹ egbe avbe emwa ni rre iyaẹvbo hia. Odẹ ọkpa ne a na sẹtin lẹ uhi na fe ọrọre wẹ, a deghẹ ọba ghi niẹn ọkpọ igoru ẹre da ọmwa nii, a i ghi gbe ẹe rua sokpan uki hoho ọ re ọ ghi ye na ne ọba ghi gie na a tie mwẹ sẹ.”

Ẹsta 5:1

Ọ ghi rre ikpẹdẹ eha ne Ẹsta ghi suẹn gha yo aguẹ, ọ keghi hẹ ukpọn ọba ẹre ye egbe, ọna gha khian ya mudia ye ikun ne ọ ke ẹguae, ọ na mu aro da ugha ne ẹkete ye. Ọba kegha rre uwu owa, ọ tota ye ẹkete, ọna mu aro da onurho.

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Ẹsta 6:3

Ọba keghi nọ wẹẹ, “De emwi ne ima he ru ya mu uyi yọ ọre egbe ne asan ẹre ẹse ye emwi na ighẹ Modekai.” Avbe eguọmwadia ẹre keghi wanniẹn wẹẹ, “A ma ru emwi rhọkpa ne ẹẹn.”

Ẹsta 6:5

Eguọmwadia ni keghi tama ọba wẹẹ, “E Haman rre emwa na, ọ ho ne ọ miẹn ọẹn.” Ọba keghi kha wẹẹ, “Wa tama rẹn ne ọ la owa.”

Ẹsta 7:9

Ọkpa ne a tie ẹre Habona vbe uwu iran keghi kha wẹẹ, “E Haman ru emwi na sẹrriọ wẹ, ọ ru erhan ne a si ọmwa rrọ yi ye owa ẹre, wẹ ne irẹn si e Modekai ni ne ọ miẹn uwẹ ne Umogun fan, rrọ yọ? Ibata ekigbesiyenẹ ọre wa nọ vbe uyomwẹ.”

Psalm 2:4

E Nọyaẹnmwa giee ke ẹkete ẹre vbe ẹrinmwi rre, ọ keghi vbe ya uma eghẹrẹ iran gbogiẹ.

Psalm 33:19

Ọ miẹn iran fan vbe obọ uwu, ọ gie iran gha rre agbọn, vbe ẹghẹ ukhunmwu.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.