Ẹsta 6:3 - Edo Bible (E Baibol Ẹdo) Version 1996

³ Ọba keghi nọ wẹẹ, “De emwi ne ima he ru ya mu uyi yọ ọre egbe ne asan ẹre ẹse ye emwi na ighẹ Modekai.” Avbe eguọmwadia ẹre keghi wanniẹn wẹẹ, “A ma ru emwi rhọkpa ne ẹẹn.”

Ẹsta 6:3 ပူးပေါင်းရင်းမြစ်များ

Gẹnẹsis 40:23

Sokpan nọ siẹnro ayọn ma ghi mu ẹmwẹ Josẹf roro, ọ keghi mianmianẹn.

I Krọnikol 11:6

E Devid keghi kha wẹẹ, “Ọmwa ne ọ rhirhi ka gbe ovbi e Jebus ọ re ọ ra gha re ọkaokuo nọkhua ọghe ivbiyokuo!” E Joab ne a tie iye ẹe Zeruaia keghi ke odaro igbinna nii, ọ re ọ na do gha re ọkaokuo nọkhua.

Ẹsta 6:2

Ehe ne iran tie vbọ, usun ẹmwẹ ni rrọọ kegha re vbene Modekai ya rẹn ekhuan ne iran khuan khẹ ọba ne iran gbe ẹe rua hẹ, ekhuan ne Bigtana kevbe Tẹrẹs avbe eghẹrriẹnoguan eva ni khẹ onurho ọba khuan khẹ ọre.

Ẹsta 6:4

Ọba keghi nọ wẹẹ, “Irriegie mwẹ rhọkpa rre ẹguae ra?” Vbe ẹghẹ ne a kha na te Haman he wa da la ẹguae ne ọ do khama ọba wẹ ne a si Modekai rrọ ye ehe ne a si emwa rrọ yi ne irẹn ru ye otọ.

Asan-Ibo 9:15

Okpia okpa ne ọ re ovbiogue, sokpan ọmọ ne ẹwaẹn gba na, keghi rre evba, ọ gha te sẹtin miẹn ẹvbo nii fan, sokpan a ma miẹn ne ọ ziro kan rẹn.

Daniẹl 5:16

Banbanna nian, a tama mwẹ ighe u sẹtin rẹn otọ emwi ni rhie egbe lẹre, u ghi vbe rhan otọ emwiọkpaodin, u gha sẹtin tie emwi ne a gbẹnnẹ na, u na vbe ta emwi ne a ya ẹe kha, a gha ya ukpọn ododo ne ọba ya kie ugie mu uẹn egbe, u ghi mu emwi urhu uyi ọghe igoru ye urhu, u ghi vbe gha re azukpogieha vbe otọe arriọba na.”

Daniẹl 5:29

Vbe ọwarọkpa nii, e Bẹlsiaza keghi wẹ ne a vbe eguọmwadia ẹre yọ e Daniẹl ẹwu ododo ne ọba ya kie ugie, ne a mu emwiurhu igoru ọghe uyi ye ọre urhu, ọ keghi ya ẹe ru ọzukpogieha vbe otọe arriọba ẹre.

Daniẹl 5:7

Ọ keghi datuu wẹ ne a bu avbe ebo edunna yo, avbe azẹn kevbe avbe iwe uki. Iran ghi rre nẹ, ọba tama iran wẹẹ, “Ọmwaikọmwa ne ọ sẹtin tie avbe emwi ne a gbẹnnẹ na, ọ na vbe tama mwẹ emwi ne a ya ẹe kha, a gha yọ ẹre ẹwu ododo ne ọba ya kie ugie, a gha mu igoru urhu ọghe uyi ye ọre urhu, ọ ghi gha re ọzukpogieha vbe otọe arriọba na.”