Ẹsta 6:1 - Edo Bible (E Baibol Ẹdo) Version 1996

¹ Vbe asọn ne a kha na, ọba ma miẹn ovbe, ọ na wẹ ne a mu ebe ne a gbẹnnẹ emwi ni sunu vbe otọe arriọba yi rre ne a do gha tie ẹre ma iran.

Ẹsta 6:1 ပူးပေါင်းရင်းမြစ်များ

Gẹnẹsis 22:14

Ebraham kegha tie evba nii, “Nọyaẹnmwa Kpemehe.” U hin ye do sẹ ẹdẹ nẹrẹ na te emwa ye tae wẹẹ, “Uhunmwu oke Nọyaẹnmwa ọre ọ na kpemehe ẹre.”

Ẹsta 10:2

Avbe emwi nọkhua kevbe ni yan ọmwa unu uan ne ọ ru kevbe okha ọghe vbene ọ rhie Modekai ye ukpo ne ọ yo hẹ, a gbẹnnẹ ọẹn ye ebe asẹ otọe ọghe avbe ọba e Pẹsia kevbe Midia.

Ẹsta 2:21

Ẹghẹ ne Modekai na gha rre ukpo asẹ vbe ẹguae, e Bigtana kevbe Tẹrẹs, eva vbe uwu avbe ọghẹrriẹnoguan ni khẹ onurho ne a la la ughugha ọba, keghi gha kakabọ khọ ẹko Ọba Kzakzis, iran na khuan khẹ ọre ne iran gbe ẹe rua.

Ẹsta 2:22

E Modekai keghi họn ẹmwẹ na, ọ na tama Ẹsta ne Oloi, ọnii na vbe tama ọba wẹ ghe emwi ne Modekai ta ladian.

Ẹsta 2:23

A keghi gie emwa ni iran gualọ otọ ẹmwẹ na, a keghi miẹn wẹẹ, ẹmwata ọ re wa nọ. A keghi rhunmwuda ọnii silo emwa na rrọọ. Ẹre ọba na wẹ ne a gbẹn emwi na ye otọ vbe ebe isiemwiẹro ọghe otọe arriọba nii.

Ẹsta 5:8

“A deghẹ u gele wẹ u gha ye itohan rhie emwi ne I nọ rẹn mẹ, Umogun I gha wẹ ne uwẹ vbe Haman mu otuẹ gunmwẹ akhuẹ ne I vbe le evbare ọvbehe khẹ uwa. Ẹghẹ nii ọ re I gha na tama ruẹn emwi ne I ho.”

Aizaia 41:17

“Ẹghẹ ne avbe emwa mwẹ gha na gualọ amẹ ne iran i mwẹ, ẹghẹ ne ovbamẹ gha na kaka iran ẹho ua, ẹghẹ nii, mẹ ne Nọyaẹnmwa gha họn erhunmwu iran. Mẹ ne Osanobua Izrẹl i ra he iran yotọ.

Daniẹl 2:1

Ọ ghi rre ukpo eva ne Nebukiadneza rriọba, ọ keghi mina. Ohan ẹnrẹn muẹn sẹrriọ wẹ ọ ma miẹn ovbe.

Daniẹl 6:18

Ọba keghi werriegbe gha rrie ẹguae ẹre, ọ ma miẹn ovbe, ọ ma re, ọ ma da, ọ ma ku ọ ma giẹ vbe asọn nii hia.

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.