Ẹsta 5:2 - Edo Bible (E Baibol Ẹdo) Version 1996

² Ugbẹn vbe ọba ghi bẹghe oloi ighẹ Ẹsta, vbe ọ mudia ye ore, ọ keghi miẹn aro ne ọ maa vbe obọ ọre, ọba keghi nọ rẹn wẹẹ,

Ẹsta 5:2 ပူးပေါင်းရင်းမြစ်များ

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Nehimaia 1:11

Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Ẹsta 2:9

E Hegai keghi wa ho ẹmwẹ Ẹsta, ẹmwẹ ọnrẹn keghi la ẹre ekhọe. Ẹgiẹgiẹ na, ọ na wa suẹn gha ma ẹre egbe ose, vbe ekpa ne ọ na yo obọ lọ ẹre egbe ọ ghi vbe gha rhie evbare kpataki ne ẹẹn. Ọ keghi rhie ehe ne ọ maa sẹ vbe ẹguae nii ne ẹẹn, ọ na vbe viọ ibiẹka ikhuo ihinrọn ni rre ẹguae ne ẹẹn wẹ ne iran gha ru emwi ne ẹẹn.

Ẹsta 4:11

“A deghẹ ọmwaikọmwa la odẹ ugha vbe ẹguae, ọ na ya miẹn ọba vbe ne a ma na gie na a tie ẹre, te a gbe ọmwa nii uan, ọ re okpia na nọ ra okhuo nọ. Uhi ne ọ rrọọ ọ re ọnii khin, emwa hia wa rẹn ọna ke egbe avbe iguọbaziro kpao ya sẹ egbe avbe emwa ni rre iyaẹvbo hia. Odẹ ọkpa ne a na sẹtin lẹ uhi na fe ọrọre wẹ, a deghẹ ọba ghi niẹn ọkpọ igoru ẹre da ọmwa nii, a i ghi gbe ẹe rua sokpan uki hoho ọ re ọ ghi ye na ne ọba ghi gie na a tie mwẹ sẹ.”

Ẹsta 8:4

Ọba keghi ne isẹn ọkpọ igoru ọghe ọba da ẹre, rẹn keghi kpaegbe, ọ na kha wẹẹ,

Psalm 116:1

Mẹ ho ẹmwẹ Nọyaẹnmwa, rhunmwuda, ọ họn urhu mwẹ; ọ rhie ehọ ye erhunmwu mwẹ.

Itan 21:1

Vbene ẹ i lọghọ e Nọyaẹnmwa vbe ọ gha ta ehe ne ẹzẹ gha lẹ la, erriọ ẹre ẹ i vbe lọghọ vbe ọ a gha dia ekhọe ọba ye odẹ.

Iwinna 10:4

Rẹn keghi tọn aro ye odibosa ni egbe rhunmwuda ighẹ ohan mu ẹn, ọ wẹẹ, “Vbe ọ khin nọwanrẹn?” Odibosa nii wanniẹn wẹẹ, “Osanobua rhan obọ miẹn erhunmwu kevbe iwinna itohan ruẹn nẹ, ọ kevbe ye ruẹ rre.

Iwinna 7:10

Ọ keghi rhie ẹre la uwu ọlọghọmwa hia gberra vbe a i mwẹ ẹbe. E Josẹf ghi sẹ ehe ne Fero ne ọba Igipt ye, Osanobua keghi rhie uyinmwẹ ọmẹhẹ kevbe ọghe ẹwaẹn nẹẹn. E Fero keghi ya Josẹf ru nọ khaemwisẹ yan ẹvbo ẹre ke ẹguae ẹre.