Ẹsta 5:1 - Edo Bible (E Baibol Ẹdo) Version 1996

¹ Ọ ghi rre ikpẹdẹ eha ne Ẹsta ghi suẹn gha yo aguẹ, ọ keghi hẹ ukpọn ọba ẹre ye egbe, ọna gha khian ya mudia ye ikun ne ọ ke ẹguae, ọ na mu aro da ugha ne ẹkete ye. Ọba kegha rre uwu owa, ọ tota ye ẹkete, ọna mu aro da onurho.

Ẹsta 5:1 ပူးပေါင်းရင်းမြစ်များ

Ẹsta 1:11

Ọ keghi tama iran wẹ ne iran rhie Vasti ne Oloi gha dee ke ẹe kevbe ẹrhu ẹde vbe uhunmwu ẹnrẹn. Oloi na kegha re okhuo ne ọ mose, ọba keghi te ho ne ọ ya ose ẹre hio ma avbe emwa ni rre asẹ kevbe avbe emwa ne ọ tie se owa hia.

Ẹsta 2:5

Okpia ọkpa ne Ju kegha rre Susa, a keghi tie eni ẹnrẹn Modekai, ovbie e Jea, ovbi ẹwae e Bẹnjamin ọ re nọ vbe uniẹn ọghe Kis kevbe Simẹi.

Ẹsta 4:11

“A deghẹ ọmwaikọmwa la odẹ ugha vbe ẹguae, ọ na ya miẹn ọba vbe ne a ma na gie na a tie ẹre, te a gbe ọmwa nii uan, ọ re okpia na nọ ra okhuo nọ. Uhi ne ọ rrọọ ọ re ọnii khin, emwa hia wa rẹn ọna ke egbe avbe iguọbaziro kpao ya sẹ egbe avbe emwa ni rre iyaẹvbo hia. Odẹ ọkpa ne a na sẹtin lẹ uhi na fe ọrọre wẹ, a deghẹ ọba ghi niẹn ọkpọ igoru ẹre da ọmwa nii, a i ghi gbe ẹe rua sokpan uki hoho ọ re ọ ghi ye na ne ọba ghi gie na a tie mwẹ sẹ.”

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Ẹsta 4:17

Ẹre Modekai ghi na kpao ọ na ya ru emwi hia ne Ẹsta tama rẹn wẹ ne ọ ru.

Ẹsta 6:4

Ọba keghi nọ wẹẹ, “Irriegie mwẹ rhọkpa rre ẹguae ra?” Vbe ẹghẹ ne a kha na te Haman he wa da la ẹguae ne ọ do khama ọba wẹ ne a si Modekai rrọ ye ehe ne a si emwa rrọ yi ne irẹn ru ye otọ.

Ẹsta 8:15

Emwi ne Modekai hẹ ye egbe ladian vbe ẹguae kegha re ẹwu ọba ne a ya eto ovbiohuẹ ododo se, ọ kevbe mu ẹde igoru ne mose mose rhuẹ. Ọre Susa hia na gha we ne ẹẹn bọọ.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Matiu 11:8

De emwi ne uwa ladian ya ghee? Ọmwa ne ọ ye ukpọn haan nọ ra? Ẹguae ọre a na miẹn egbe ọmwa vberriọ.

Matiu 27:64

Rhunmwuda ọnii, yi iyi ne emwa ya gha khẹ idin nii ọ te ya sẹ ikpẹdẹ eha, ne avbe erhuanegbe ghẹ miẹn ehe na ya do ikun ẹnrẹn mu ne iran vbe ya gha wewe ẹe ma emwa hia wẹẹ, ‘A huẹn ọnrẹn kpaegbe vbe orinmwi.’ Ohoghe ne okiekie ghi do khọ sẹ ne okaro.”

Iyẹn ne ọ Maan Ọghe Luk 22:30

Wa gha gun mwẹ re, wa ghi vbe gun mwẹ da vbe uhunmwu eteburu mwẹ vbe Arriọba mwẹ, wa gha vbe tota ye ẹkete gha bu ohiẹn ẹwae iweva ne ọ re Izrẹl.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.