Ẹsta 4:6 - Edo Bible (E Baibol Ẹdo) Version 1996

⁶ E Hatak bu e Modekai gha rrie iro ẹvbo ni, vbe onurho ẹguae.

Ẹsta 4:6 ပူးပေါင်းရင်းမြစ်များ

Ẹsta 4:3

Ehe ne otọe ni lae ehe ne ọ rhanmwẹ, ehe ne a ghi na wewe ẹmwẹ na, eve orriara kegha rrọọ vbe uwu ẹbu avbe Ju. Iran kegha yo aguẹ, iran na gha viẹ, iran na gha go, ni bun vbe uwu iran kegha viọ ukpọn akhiẹ ye egbe, iran na lovbiẹ ye uwu emuẹn.

Ẹsta 4:5

Ọ keghi tie Hatak, ọkpa vbe uwu ọghẹrriẹnoguan ne ọba viọ nẹẹn zẹ vbe eguọmwadia, ọ na gie ẹe bu e Modekai ne ọ ya nọ rẹn emwi ne iran ru, kevbe emwi ne ọ sii ẹe.

Ẹsta 4:7

E Modekai keghi talọ emwi ne ọ sunu vbe egbe irẹn ma rẹn kevbe inu igho ne Haman khare ighẹ rẹn gha mu ye aza ẹguae, a deghẹ a gbele avbe Ju hia a.

Ẹsta 7:2

Ehe ne iran na da ayọn ni ọba keghi nọ rẹn ukpogieva wẹẹ, “Ẹsta ne Oloi, de emwi ne u ho? Tama mwẹ, ọ gha sẹ uẹ obọ, I gha sẹtin ghae otọe arriọba mwẹ mu obọkpa vbọ ne uẹn.”

Ẹsta 9:12

Rẹn keghi tama Ẹsta ne Oloi wẹẹ, “Arhin iyisẹn isẹn (500) ọre avbe Ju gbele vbe Susa ọkpa kẹkan, deba ivbi e Haman igbe, vbe ọ ghẹ ghi wa gha ye hẹ vbe avbe iyaẹvbo! De emwi ne u ghi ye ho nian? Ọ gha sẹ uẹ obọ. Tama mwẹ emwi ọvbehe ne u ho, o gha se ue obọ.”