Ẹsta 4:5 - Edo Bible (E Baibol Ẹdo) Version 1996

⁵ Ọ keghi tie Hatak, ọkpa vbe uwu ọghẹrriẹnoguan ne ọba viọ nẹẹn zẹ vbe eguọmwadia, ọ na gie ẹe bu e Modekai ne ọ ya nọ rẹn emwi ne iran ru, kevbe emwi ne ọ sii ẹe.

Ẹsta 4:5 ပူးပေါင်းရင်းမြစ်များ

Ẹsta 1:10

Ọ ghi sẹ ikpẹdẹ ne ogihinrọn ne iran kegha rri evbare na, ọba kegha da ayọn, ẹko hia na gha sẹ ọre ọyẹnmwẹ, ọ keghi tie avbe ọghẹrriẹnoguan ihinrọn ni wa re odibo irẹn tobọ ẹre, iran na ọ re Mehuman, e Bizta, e Habona, e Bigta, Abagta, e Zeta kevbe Kakas.

Ẹsta 1:12

Sokpan, avbe odibo ghi ya tama e Vasti ne Oloi vbene ọba khare, ọ na wẹ rẹn i dee. Emwi na keghi mu ọba ohu ẹsẹse.

Ẹsta 4:10

Ẹsta kevbe gie ẹre uhunmwu ne ọ khama e Modekai wẹẹ,

Ẹsta 4:4

Ugbẹn vbe eguọmwadia ikhuo ni gue Ẹsta kevbe avbe ọghẹrriẹnoguan ghi tama rẹn emwi ne Modekai ru, orhiọn rẹn ma ghi sotọ. Ọ keghi viọ ukpọn eso gie Modekai ne ọ ya bannọ ukpọn akhiẹ kua, sokpan, ọ ma viọ.

Ẹsta 4:6

E Hatak bu e Modekai gha rrie iro ẹvbo ni, vbe onurho ẹguae.

Ẹsta 4:9

E Hatak keghi wa ru emwi na vberriọ.

Ebe ne Pọl gbẹẹn gie emwa Rom 12:15

Gha gu enọghọghọ ghọghọ vbe gu enọviẹ gha viẹ.

I Kọrinti 12:26

A deghẹ efẹn ọkpa vbe egbe miẹn obalọ, ehe ni dekẹe hia ghi guee miẹn obalọ nii, a deghẹ a vbe tian ọkpa vbọ, ni dekẹe hia ghi gu ẹe ghọghọ.

Filipai 2:4

Wa gha ho ọma ye egbe egbe, ẹ i re ne egbe ruẹ ọkpa.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.