Ẹsta 4:4 - Edo Bible (E Baibol Ẹdo) Version 1996

⁴ Ugbẹn vbe eguọmwadia ikhuo ni gue Ẹsta kevbe avbe ọghẹrriẹnoguan ghi tama rẹn emwi ne Modekai ru, orhiọn rẹn ma ghi sotọ. Ọ keghi viọ ukpọn eso gie Modekai ne ọ ya bannọ ukpọn akhiẹ kua, sokpan, ọ ma viọ.

Ẹsta 4:4 ပူးပေါင်းရင်းမြစ်များ

Gẹnẹsis 37:35

Ivbi ẹre nikpia kevbe nikhuo hia keghi rre do gha fu ẹre ẹko rre, sokpan ọ he ne a fu irẹn ẹko rre, ọ wẹẹ, “Te I ra khiẹ ovbi mwẹ I te ya wu.” Rhunmwuda ọnii, ọ na gha khiẹ ovbi ẹre ighẹ Josẹf.

II Ọba 9:32

E Jehu keghi tọn aro mu, ọ keghi davan wẹẹ, “Gha ọ rre otu mwẹ vba yi?” Ọghẹrriẹnoguan eva ra eha na niẹn urhu la ewindo ladian do ghe ẹre.

Ẹsta 1:12

Sokpan, avbe odibo ghi ya tama e Vasti ne Oloi vbene ọba khare, ọ na wẹ rẹn i dee. Emwi na keghi mu ọba ohu ẹsẹse.

Ẹsta 4:3

Ehe ne otọe ni lae ehe ne ọ rhanmwẹ, ehe ne a ghi na wewe ẹmwẹ na, eve orriara kegha rrọọ vbe uwu ẹbu avbe Ju. Iran kegha yo aguẹ, iran na gha viẹ, iran na gha go, ni bun vbe uwu iran kegha viọ ukpọn akhiẹ ye egbe, iran na lovbiẹ ye uwu emuẹn.

Ẹsta 4:5

Ọ keghi tie Hatak, ọkpa vbe uwu ọghẹrriẹnoguan ne ọba viọ nẹẹn zẹ vbe eguọmwadia, ọ na gie ẹe bu e Modekai ne ọ ya nọ rẹn emwi ne iran ru, kevbe emwi ne ọ sii ẹe.

Psalm 77:2

Vbe ẹghẹ ọlọghọmwa I na erhunmwu ghe Nọyaẹnmwa, vbe asọn biiri I keghi viọ obọ mwẹ da odukhunmwu gha na erhunmwu. Sokpan, egbe ma ye rọkhọ mwẹ.

Aizaia 56:3

Ọ ma kei ne orhunmwuyẹn ne ọ deba emwa e Nọyaẹnmwa kha wẹẹ, “E Nọyaẹnmwa i ra gunmwẹ yaba emwa rẹn gha ga.” Ọmwa ne a ware, ọ ma kei ne ọ gha ro wẹ rhunmwuda ighẹ rẹn i sẹtin biẹ, rẹn i sẹtin gha re ọkpa vbe uwu emwa e Nọyaẹnmwa.

Jerimaia 31:15

E Nọyaẹnmwa khare wẹẹ, “A họọn urhu okpa vbe Rama, urhu eve orriara. E Rekiẹl gha viẹ avbe ivbi ẹre i iran rrie, ọ ma ghi kue ne a bọ irẹn.

Iwinna 8:27

Rhunmwuda ọnii, Filip mu egbe, ọ na gha khian. Ọghẹrriẹnoguan ọkpa, ọmwa Etiopia keghi ke ehe di owa. Okona keghi wa re ọmwa kpataki, rẹn ọrọre ọmwa ne ọ gbe aro ghe aza ọba nokhuo ra Kandes ọghe Etiopia. Te irẹn yo Jerusalẹm ya ga Osanobua.

I Samuẹl 8:15

Ọ gha viọ a ghae ye ihigbe emwiokọ uwa, ọ gha viọ ne iran ni guẹe ziro vbe ẹguae kevbe emwa ni rre asẹ ọvbehe vbe ototọ ẹre.