Ẹsta 4:3 - Edo Bible (E Baibol Ẹdo) Version 1996

³ Ehe ne otọe ni lae ehe ne ọ rhanmwẹ, ehe ne a ghi na wewe ẹmwẹ na, eve orriara kegha rrọọ vbe uwu ẹbu avbe Ju. Iran kegha yo aguẹ, iran na gha viẹ, iran na gha go, ni bun vbe uwu iran kegha viọ ukpọn akhiẹ ye egbe, iran na lovbiẹ ye uwu emuẹn.

Ẹsta 4:3 ပူးပေါင်းရင်းမြစ်များ

Ẹsta 1:1

Ẹkete Ọba ẹre, ne ọ tota yi vbe Susa ne igiogbẹ otọe ẹvbo Pẹsia ọ re Kzakzis ne ọba kegha khaemwisẹ yan agbọn ẹvbo ihinrọn yan iyehan (127), ke India ne gban an gha dee do sẹ e Sudan.

Ẹsta 3:12

Ọ ghi sẹ ikpẹdẹ ne ogiwera ọghe uki ne okaro, e Haman keghi tie avbe ọgbenbe ọba, ọ na gha guan ne iran wa gha gbẹn ọẹn vbene irẹn ya tae nii, ẹmwẹ ne ọba tae, ne a gha vbe zedu ẹre ye ẹvbo ne a zẹ ke odẹ ne a ya gbẹnnẹ emwi ni rre otọe arriọba nii hia ne a viọ gie avbe irriegie ni khaemwisẹ, kevbe ewọe ọba hia. Eni e Kzakzis ọ re a ya ta ẹmwẹ na, a na ya oroka ẹre yi ama asẹ yọ.

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Ẹsta 4:2

Rhinrin ọ te do sẹ urho ẹguae. Ọ ma la owa rhunmwuda, a i kue ne ọmwa ne ọ yọ ukpọn akhiẹ la uwu ẹre.

Ẹsta 4:4

Ugbẹn vbe eguọmwadia ikhuo ni gue Ẹsta kevbe avbe ọghẹrriẹnoguan ghi tama rẹn emwi ne Modekai ru, orhiọn rẹn ma ghi sotọ. Ọ keghi viọ ukpọn eso gie Modekai ne ọ ya bannọ ukpọn akhiẹ kua, sokpan, ọ ma viọ.

Ẹsta 9:31

Ọ na tama iran wẹ ne iran kevbe ivbi uniẹn iran, ne iran gha ru emwiukpo a Purim vbe ẹghẹ ọre, zẹ vbene iran vbe da obọ mu ẹmwẹ ẹghẹ ne a ya yo aguẹ kevbe ẹghẹ akhiẹ. Ẹsta ne Oloi kevbe Modekai, ọ re ọ gba gbẹn uhi na ne iran.

Job 2:8

E Job keghi ya tota ye otiku, ọ na rhie ebunbunmwẹhẹn ya gha hia erhọn.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Aizaia 58:5

Wa gha rre aguẹ, wa ghi gha rri egbe uwa oya, wa ghi hierre vbe ebe irunmwu, wa ghi wa ukpọn akhiẹ kevbe emuẹn yotọ ne uwa gha lovbiẹ yi. Ọnii ọ re uwa tie ẹre aguẹ ra? Wa yayi wẹ ọnii gha yẹ imẹ ra?

Ezikiẹl 27:30

Ehia wa khiẹ ne uẹn ẹsẹse, iran zẹ ekẹn ye uhunmwu, iran kegha wunnu vbe uwu emuẹn.

Daniẹl 9:3

I keghi kakabọ na erhunmwu ghe e Nọyaẹnmwa Osanobua, I kegha rinmwian ẹẹn, I kegha ya ohanmwẹ gbe egbe, I kegha rhuan ukpọn akhiẹ, I na vbe gha tota ye uwu emuẹn.

Jona 3:6

Ugbẹn vbe ọba e Ninevi ghi họn, ọ keghi kpaegbe vbe ẹkete ọ keghi ban ẹwu ẹre mu fua, ọ na viọ ukpọn akhiẹ yọ, ọ na tota ye uwu emuẹn.

Matiu 13:42

A ghi hẹ iran ku uwu ọgẹn erhẹn ne iran ya gha viẹ egbe, kevbe ne iran vbe ya gha rri akọn khuara vbe evba.

Matiu 22:13

Ẹkpo nii ọre ọba ghi na khama avbe eguọmwadia ẹre wẹẹ, ‘Wa gba ẹre obọ gba ẹre owẹ, ne uwa mu ẹn fi uwu ebiebi vbe ore, ne ọ ya gha viẹ egbe kevbe ne ọ ya gha rri akọn vbe evba.’ ”

Matiu 25:30

Zẹ vbe ọghe ọguọmwadia ne ẹwobi na, wa si ẹe fi uwu ebiebi vbe ore ne ọ ya gha viẹ egbe, kevbe ne ọ vbe gha rri akọn vbe evba.’

Jọsua 7:6

E Jọsua kevbe avbe ekaolotu keghi ye akhiẹ sọ ukpọn rẹn uan, ọna de mu aro rhu otọ vbe odaro Ẹkpẹti Ile ọghe Nọyaẹnmwa. Avbe ọkaolotu Izrẹl keghi gu ẹe lovbiẹ ye evba ya sẹ ota. Iran na zẹ ebubẹ ye uhunmwu ne iran ya rhie akhiẹ iran maa.

I Samuẹl 11:4

Emwa ne a gie ẹre uhunmwu ni keghi do sẹ Gibea, ẹvbo ne Sọl ye, iran keghi na iyẹn ma iran, ehia keghi gha viẹ rhunmwuda afianma ne ọ fian iran.