Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ẹsta 4:16 - Edo Bible (E Baibol Ẹdo) Version 1996

16 “Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

အခန်းကိုကြည့်ပါ။ ကော်ပီ




Ẹsta 4:16
29 ပူးပေါင်းရင်းမြစ်များ  

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”


Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”


U ghi din! Gia gbinna ẹsẹse ne emwa ima, kevbe ne ẹvbo Osanobua mwa. E Nọyaẹnmwa ne ọ ru enọ ye ọre sẹẹ.”


A i zẹdẹ vbe la adesẹ ore ẹvbo rhunmwuda te ohanmwẹ gbele ima an vbe evba. Sokpan ma gha vbe mudia vbe emwa, te ima ra ye vbe wulo. Rhunmwuda ọnii, wa gie ima la agọ ivbi e Siria, ọmarugbe iran gbele ima an, u gha ghe, iran ghi sẹ ima rae.”


Udu ke wa e Jehosiafat, ọ keghi na erhunmwu ghe Nọyaẹnmwa wẹ ne ọ giodẹ ma irẹn emwi ne irẹn gha ru. Ọ keghi wẹ ne emwa hia ni rre ẹvbo nii hia wa gha rrie aguẹ.


A ghi sẹ Ẹzẹ ne a fiaẹn ọghe Ahava, I keghi wẹ ne ima hia yo aguẹ, ne avbe mu egbe rriotọ vbe odaro Osanobua mwa, ne a vbe rinmwiaẹn ne ọ su ima vbe okhian mwa, kevbe ne ọ degue ima kevbe ivbi ima deba emwi ne ima mwẹ hia.


Ẹsta keghi rhie ewanniẹn na gie Modekai wẹẹ,


Ẹre Modekai ghi na kpao ọ na ya ru emwi hia ne Ẹsta tama rẹn wẹ ne ọ ru.


Ehe ne otọe ni lae ehe ne ọ rhanmwẹ, ehe ne a ghi na wewe ẹmwẹ na, eve orriara kegha rrọọ vbe uwu ẹbu avbe Ju. Iran kegha yo aguẹ, iran na gha viẹ, iran na gha go, ni bun vbe uwu iran kegha viọ ukpọn akhiẹ ye egbe, iran na lovbiẹ ye uwu emuẹn.


Ọ ghi rre ikpẹdẹ eha ne Ẹsta ghi suẹn gha yo aguẹ, ọ keghi hẹ ukpọn ọba ẹre ye egbe, ọna gha khian ya mudia ye ikun ne ọ ke ẹguae, ọ na mu aro da ugha ne ẹkete ye. Ọba kegha rre uwu owa, ọ tota ye ẹkete, ọna mu aro da onurho.


Ọ na tama iran wẹ ne iran kevbe ivbi uniẹn iran, ne iran gha ru emwiukpo a Purim vbe ẹghẹ ọre, zẹ vbene iran vbe da obọ mu ẹmwẹ ẹghẹ ne a ya yo aguẹ kevbe ẹghẹ akhiẹ. Ẹsta ne Oloi kevbe Modekai, ọ re ọ gba gbẹn uhi na ne iran.


Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.


Vbe uki ne ogihinrin, ọghe ukpo nogisẹn ne Jehoiakim na gha re ọba e Juda, avbe emwa nii keghi yo aguẹ ya gualọ aro ne ọ maa vbe obọ e Nọyaẹnmwa. Emwa hia ni rre Jerusalẹm deba avbe emwa ni kee avbe okpẹvbo ni rre e Juda rre ọ re ọ yo aguẹ na.


Ọ na tama iran wẹ ne iran na erhunmwu ghe ọba ẹrinmwi ne ọ tohan iran, ne ọ vbe rhan otọ oro nii ma iran, ne a ghẹ miẹn ehe na gbele iran an ba avbe iguọbaziro nekpa vbe Babilọn.


Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.


Rhunmwuda ọmwa ne ọ ho ne ọ da orhiọn rẹn yi gha mu ẹn fua, sokpan ọmwa ne ọ rhunmwuda mwẹ mu orhiọn rẹn rua, ọ gha miẹn ọẹn rhie.


Pailet wanniẹn wẹẹ, “Emwi ne I gbẹn nẹ, a gbẹn ọẹn nẹ.”


Odibosa ne ọ gu ẹe guan nii ghi kpao nẹ, Kọniliọs keghi tie eva vbe uwu avbe eguọmwadia ẹre deba ovbiyokuo ọkpa, ọmwa, ne ọ mwẹ ekhọe iyayi, ọkpa vbe uwu iran ne ọ hẹ gaga egbe.


Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.


Sokpan rẹn keghi wanniẹn wẹẹ, “Vbe uwa ru na yi, ne uwa na viẹ ya mu mwẹ orhiọn rueghe? Mẹ mu egbe nẹ, ẹ i re ọghe ne a mu mwẹ gba ọkpa, sokpan ne i wu vbe Jerusalẹm ye ẹmwẹ Nọyaẹnmwa Jesu.”


Ọ ghi bu ne ẹdẹ ra ya gbe, e Pọl keghi rinmwian emwa nii hia ne iran rri evbare wẹ, “Ke ikpẹdẹ iwenẹ gha dee wa kegha khẹ odẹ, wa ma vbe rri emwi rhọkpa.


Vbe ikpedẹ eha vbọ ọ ma sẹtin bẹghe, vbe uwu ẹghẹ nii, ọ ma re ọ ma da.


Iran ni rhie uhunmwu mwẹ atataobọ ba ẹmwẹ mwẹ. Wa gun mwẹ kpọnmwẹ iran, ẹ i re mẹ ọkpa, sokpan kevbe esọsi emwa ne ẹ i re Ju hia.


Rhunmwuda te ọ rhie uhunmwu mwẹ atataobọ, ọ te ra wa wu ba ẹmwẹ iwinna Kristi, ne ọ miẹn ehe na rhie iyobọ mẹ, egbe ne uwa ma sẹtin rhie mẹ.


A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”


Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ