Ẹsta 4:14 - Edo Bible (E Baibol Ẹdo) Version 1996

¹⁴ U gha hunwan vbe ẹghẹ ne ọ ye vbenian na, iyobọ gha ke ẹrinmwi bu avbe Ju rre, iran ghi miẹn uhunmwu, sokpan wẹ gha wu, deba ẹre ẹgbẹe erha a ghi gbe ero, sokpan, u rẹnrẹn wẹ ẹ i gie a rẹn ọ gha kẹe egbe ẹghẹ vbenian ọ re ọ zẹe ne a na ya ma Oloi!”

Ẹsta 4:14 ပူးပေါင်းရင်းမြစ်များ

Gẹnẹsis 22:14

Ebraham kegha tie evba nii, “Nọyaẹnmwa Kpemehe.” U hin ye do sẹ ẹdẹ nẹrẹ na te emwa ye tae wẹẹ, “Uhunmwu oke Nọyaẹnmwa ọre ọ na kpemehe ẹre.”

II Ọba 13:5

E Nọyaẹnmwa keghi gie ọkaolotu gie Izrẹl ọ na do miẹn iran fan hin obọ ivbi e Siria rre. Izrẹl keghi vbe do gha rrọ vbe ọfumwegbe vbene iran ka ye de yi.

II Ọba 19:3

Uhunmwu ne ọ gie iran re gie Aizaia ọ re ọ na khin wẹẹ, “Ẹdẹ nẹrẹ na, ẹdẹ irrioya nọ, te a rri ima oya na, a vbe fa ima an. Ma ye vbe okhuo ne emwi ubiẹmwẹ ru ne ọ ma sẹtin biẹ.

Ẹzra 9:9

Eviẹn ma te khin, sokpan, u ma sẹ ima rae ye ọviẹn ọmwa. U keghi gie avbe ọgbaisi e Pẹsia tohan mwa, iran na sẹ ima rae ye agbọn, iran na gie ima dọlọ Ọgua Osa ruẹ ne ọ te rẹnkhuan bọ, kevbe ne ima do lẹ fi a i ghi mwẹ ẹbe vbe Juda kevbe Jerusalẹm vbe edinran.

Nehimaia 6:11

Mẹ keghi wanniẹn wẹẹ, “Mẹ i re okpia ne ọ lẹ fua ya gha lẹre. Wẹ yayi wẹ mẹ gha ya lẹre ye uwu Ọgua Osa ne I ghẹ miẹn ehe na wu? I i ruẹe.”

Ẹsta 2:15

Ọ keghi do sẹ egbe Ẹsta ne ọ gha rrie ehe ne ọba ye. Ẹsta ne ovbi Abihẹl, kevbe ọtẹn e Modekai ne ọ ghi mu ẹẹn biẹ, zẹ vbe ovbi ẹre ne okhuo, Ẹsta ne a miẹn wẹ ọmwa ne ọ rhirhi miẹn ọẹn hia ọre ọ ho ẹmwẹ ọnrẹn. Ọ ghi sẹ egbe ẹre, ọ keghi mu egbe zẹ vbene Hegai ne ọghẹrriẹnoguan, ne ukọ ne ẹrriẹ tama rẹn.

Ẹsta 2:17

Ọba keghi ho ẹmwẹ ọnrẹn sẹ ibiẹka ikhuo nekpa. Ẹmwẹ ọnrẹn keghi la ẹre ekhọe sẹ hia. Ọ keghi mu ẹde ọba rhu ẹre uhunmwu, ọ keghi ya ẹe ma Oloi ye ihe Vasti.

Ẹsta 2:7

Ọ keghi mwẹ ovbi ọtiọnrẹn ọkpa, ọmọ okhuo nọ, a kegha tie ẹre Ẹsta, sokpan eni ne a tie ẹre re vbe Hibru kegha re Hadasa, rẹn kegha re ọmọ okhuo ne ọ mose, ọ wa zọ ẹsẹse. Evbibiẹ ọe ghi wulo nẹ, e Modekai keghi ya ẹe ye ọmọ, ọ na koko ẹẹ wan zẹ vbe ovbi ẹre.

Ẹsta 4:13

ọ gie ne a tama rẹn wẹẹ, “Ghẹ gha ro ighẹ emwi rhọkpa i ra ru uwẹ vbe emwi ne ọ rruan avbe Ju na rhunmwuda ighẹ u rre uwu ẹguae.

Ẹsta 4:15

Ẹsta keghi rhie ewanniẹn na gie Modekai wẹẹ,

Job 9:18

Ẹ i gunmwẹ gbe amẹ sa wọn. Ọ ye orriara vuọn ẹdẹ agbọn mwẹ hia.

Asan-Ibo 3:7

ọ rhie ẹghẹ yọ ne a ya yanghan emwi, ọ rhie ẹghẹ yọ ne a ya dọlọ emwi, ọ rhie ẹghẹ yọ ne a ya hunwan, ọ rhie ẹghẹ yọ ne a ya guan,

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Jerimaia 30:11

I gha bu uwa rre, I ghi do miẹn uwa fan I gha fuẹn iran an ighe avbe uhunmwu ẹvbo hia ne I zagha uwa gha rrie. Sokpan mẹ i ra fuẹn uwa a fẹẹrẹ, mẹ i ra wa sẹ uwa rae vbe na i na rri uwa oya. Sokpan, I gha ra rri uwa oya, I ga ruẹe vbe ne ọ ke yi. Mẹ ne Nọyaẹnmwa tae nẹ.”

Jerimaia 46:28

I gha bu uwa rre, I ghi do miẹn uwa fan I gha fuẹn ehia a ighe avbe ẹvbo ne I zagha uwa kui, sokpan, mẹ i ra fuẹn uwa a. Mẹ i ra sẹ uwa rae vbe ne a i na rri uwa oya hiehiere, sokpan, I gha rrie uwa oya, I gha ru ẹe vbe ne ọ kei yi. Mẹ ne Nọyaẹnmwa guaan nẹ.”

Levitikọs 26:42

I ghi ye ile mwẹ ne I gu Jekọb, Aizik kevbe Ebraham ta rre, I ghi dọlegbe su eyan nii igie wẹ I gha mu otọe nii ne emwa mwẹ.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Matiu 24:22

Sokpan Osanobua fian inu ẹdẹ ne ọ ra ya vbe otọ kanmwa nẹ. Akpawẹ ọ ma fian ẹdẹ ni kanmwa, orhiọnkpa ne ọ gha miẹn uhunmwu, ẹ i rrọọ. Sokpan Osanobua gha rhunmwuda iran ne ọ hannnọ zẹ fian ẹdẹ ni kanmwa.

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Giọgis 15:6

Avbe emwa Filistia keghi nọ wẹẹ, “Gha ọ ru emwi na?” Iran keghi họn wẹ e Samsin ọ re ọ ru ẹe rhunmwuda orruan rẹn ọmwa Timna ne ọ miẹn Samsin amwẹ, ọ na rhie ne ọse ẹre. Ẹre emwa Filistia na gha khian, iran na ya giẹn okhuo nii uan, iran na vbe giẹn owa erha ẹe muotọ.

I Samuẹl 12:22

Osanobua wa yan nẹ, rẹn i ra fi iyeke gbe uwa, rhunmwuda, te irẹn yan yọ wẹ rẹn gha ya uwa ru emwa irẹn.

I Samuẹl 17:29

E Devid keghi kha wẹẹ, “Vbe i a ghi ru nian? Ne imẹ ghẹ vbe zẹdẹ nọ ọta hiehie?”