Ẹsta 4:11 - Edo Bible (E Baibol Ẹdo) Version 1996

¹¹ “A deghẹ ọmwaikọmwa la odẹ ugha vbe ẹguae, ọ na ya miẹn ọba vbe ne a ma na gie na a tie ẹre, te a gbe ọmwa nii uan, ọ re okpia na nọ ra okhuo nọ. Uhi ne ọ rrọọ ọ re ọnii khin, emwa hia wa rẹn ọna ke egbe avbe iguọbaziro kpao ya sẹ egbe avbe emwa ni rre iyaẹvbo hia. Odẹ ọkpa ne a na sẹtin lẹ uhi na fe ọrọre wẹ, a deghẹ ọba ghi niẹn ọkpọ igoru ẹre da ọmwa nii, a i ghi gbe ẹe rua sokpan uki hoho ọ re ọ ghi ye na ne ọba ghi gie na a tie mwẹ sẹ.”

Ẹsta 4:11 ပူးပေါင်းရင်းမြစ်များ

Ẹsta 1:19

A deghẹ ọ yẹ ruẹ vbenian Umogun, ye asẹ ọghe ọba tae ladian wẹ ne Vasti ghẹ ghi ye aro kan ruẹn aro ọvbehe. U ghi rhie ukpo ẹre zevbe Oloi ne okhuo ọvbehe ne ọ maa sẹ ọre.

Ẹsta 2:14

Ọ ghi gha khian, vbe ota, ẹdẹ gha ghi gbe a ghi rhie ẹre gha rrie ẹrriẹ ọvbehe, a ghi rhie ẹre ne Siasgaz ne ọghẹrriẹnoguan ne ọ gbearoghe avbe egbakhian ọba. Ẹ i ghi dọlegbe yo ehe ne ọba ye ọvbehe, sokpan a ma wẹ te ọba ho ẹmwẹ ọnrẹn ọ na so eni ẹnrẹn ya nọ ẹmwẹ ọnrẹn.

Ẹsta 4:10

Ẹsta kevbe gie ẹre uhunmwu ne ọ khama e Modekai wẹẹ,

Ẹsta 4:12

E Modekai ghi họn uhunmwu ne Ẹsta gie gie ẹe,

Ẹsta 6:4

Ọba keghi nọ wẹẹ, “Irriegie mwẹ rhọkpa rre ẹguae ra?” Vbe ẹghẹ ne a kha na te Haman he wa da la ẹguae ne ọ do khama ọba wẹ ne a si Modekai rrọ ye ehe ne a si emwa rrọ yi ne irẹn ru ye otọ.

Ẹsta 8:4

Ọba keghi ne isẹn ọkpọ igoru ọghe ọba da ẹre, rẹn keghi kpaegbe, ọ na kha wẹẹ,

Daniẹl 2:9

te I ra wa ya abọkpa rri uwa hia oya adeghẹ wa ma sẹtin ta imina na ma mwẹ. Te uwa wẹ ne uwa gha ta ohoghe ma mwẹ rhunmwuda, ọ gha kpee kherhe wan, emwi hia gha fiwerriẹ. Wa ta nene imina ma mwẹ, ẹghẹ nii, I ghi rẹn wẹ wa gha vbe sẹtin ta emwi ne a yae kha ma mwẹ.”

I Pita 3:7

Kevbe uwa ne avbe ọdọ, vbe obọ ne uwa ya mu avbe amwẹ uwa, wa ghi gha ye rre wẹ, emwa ni ma wo vbe egbe iran khin, wa ghi gha mu iran tetete, rhunmwuda iran tobọ iran gha vbe deba uwa ghae vbe arrọọ ne Osanobua ra ghae ne emwa. Wa ghi gha ru vberriọ ne emwi rhọkpa ghẹ mu idobo ye uwa erhunmwu ne uwa na.