Ẹsta 3:8 - Edo Bible (E Baibol Ẹdo) Version 1996

⁸ E Haman keghi bu ọba ya tama rẹn wẹẹ, “Ivbi ẹvbo eso rre otọe ruẹ na, iran tagha gba otọe na hia, a i vbe miẹn iyaẹvbo ne a i na miẹn iran, ilele ẹvbo iran ma zẹdẹ gu ọghe ẹvbo ọvbehe rhọkpa ro vbe otọe na. Ye vbe sẹ ọnii, iran i ye uhi ẹvbo na ru emwi, rhunmwuda ọnii, ẹ i re emwi ne ọ gha fu egbe a deghẹ a sẹ iran rae.

Ẹsta 3:8 ပူးပေါင်းရင်းမြစ်များ

Ẹzra 4:6

Ugbẹn vbe Zakzis ne ọgbaisi ghi da la ẹkete, eghian emwa ni rre Juda kevbe Jerusalẹm keghi gbẹnnẹ ebe rhu iran.

Nehimaia 1:8

Yerre nian, vbene u tama Mosis hẹ wẹẹ, ‘A deghẹ wa ne ivbi Izrẹl ma rhie egbe mu mwẹ ẹse, I gha zagha uwa a lele otọe ẹvbo ọvbehe.

Ẹsta 3:9

A deghẹ ọ yẹ ruẹ Umogun, wa tae wẹ, ne a gbele iran an. U gha tae vberriọ, mẹ yan rẹn nian wẹ I gha mu etọni esiliva ekesọgban irrọvbe arria eva (375) ye otọ vbe aza ẹguae ne a ya gha winna iwinna otọe arriọba na.”

Ẹsta 4:1

E Modekai ghi họn avbe emwi na hia ni sunu, ọ keghi sọ ukpọn ye egbe ẹre ẹkun, ọ keghi viọ ukpọn akhiẹ yọ, ọ keghi zẹ emuẹn yan uhunmwu, ọ keghi khian la ẹvbo nii lẹga vbene ọ na wa kpe orhu eve orriara.

Jerimaia 33:24

“U ma miẹn vbene emwa tae khian hẹ wẹ mẹ he Izrẹl kevbe Juda yotọ nẹ, ẹgbẹe eva ne imẹ hannọ zẹ. Iran keghi rhunmwuda ọnii, gha ye aro gbe emwa mwẹ re, iran i ghi vbe ka iran ye uhunmwu ẹvbo.

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Ezikiẹl 11:16

Banbanna nian, tama avbe ihua ne uwa gba rre iwe vbene I kha hẹ. Mẹ ọre ọmwa ne ọ viọ iran gha rrie ẹvbo ne ọ rrei ne iran gha rre odọ, I keghi vbe zagha iran gba ẹvbo ọvbehe hia. Sokpan, vbe ọghe banbanna, I gha gu iran gha rrọ vbe ẹvbo ne iran ye.

Ezikiẹl 6:8

“I gha gie eso vbọ lẹ ugbemwẹ na fe, ne a zagha iran gba avbe uhunmwu ẹvbo hia,

Daniẹl 3:8

Ẹghẹ na nian, ivbi e Babilọn keghi miẹn ehe la la ivbi e Ju egbe.

Daniẹl 6:13

Iran keghi wanniẹn tama ọba wẹẹ. “E Daniẹl ne ọkpa vbe avbe ivbi e Juda ni rre iwe, i zẹdẹ da ne uwẹ, Umogun ra ne ọ vbe gha ya iyi ne uwẹ yi ru emwi. Ẹ i gbe erhunmwu ne a na igba eha vbe ẹdẹ re.”

Daniẹl 6:14

Ugbẹn vbe ọba họn ẹmwẹ na, ekhọe ẹre ma ghi sotọ, ọ keghi hia ne ọ gualọ odẹikodẹ ne ọ gha la fan e Daniẹl yotọ. Ọ keghi gha gualọ odẹ rhinrin ya sẹ ẹghẹ ne owẹn na defua.

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.

Zẹkaraia 7:14

I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”

Nọmbas 23:9

I gha ke uhunmwu oke ni yo bẹghe iran. I gha sẹtin ke uhunmwu oke ne giẹre rhie aro lele iran. Ẹvbo ne irẹn ọkpa vbe ẹhi ẹre rrọ iran khin. Irẹnrẹn i ghẹ afiangbe iran sẹ avbe ẹvbo ọvbehe.

Iyẹn ne ọ Maan Ọghe Jọn 7:35

Avbe Ju kegha gu egbe guan wẹẹ, “De ehe ne ọ khian gha rrie ne ima i ra na miẹn ọẹn yi? Te ọ khian bu avbe Ju ni rre ẹvbo avbe Grik ra ne ọ ya gha ma iran ne Grik emwi?

Iwinna 24:5

Ma miẹn okpia na wẹ, uhunmwu isusu dan nọ. Ọ fian otighi fi avbe Ju egbe la uhunmwu otọ agbọn hia. Ọ keghi vbe re ọkaolotu otu ọkpa ne iran tie eni ẹnrẹn e nazarin.

Iwinna 28:22

Sokpan ma gha ho ne ima vbe họn vbe ne ọ ye hẹ vbe ekhọe uwẹ, rhunmwuda ma rẹnrẹn wẹ, a i miẹn ehe ne a na ta ẹmwẹ ọnrẹn ẹse ighẹ otu ne u khare ighẹ uwẹ ye na.”

Diuteronomi 30:3

Ẹghẹ nii, e Nọyaẹnmwa Osanobua rua gha tohan uwa. Ọ ghi viọ uwa werriegbe ke ẹvbo ne ọ zagha uwa yi gha dee, ọ ghi dọlegbe gie agbọn ma uwa.

Diuteronomi 32:26

Te I gha te fuẹn iran an fẹẹrẹ, ne a ghẹ ghi ye iran rre ọvbehe.

Diuteronomi 4:27

E Nọyaẹnmwa gha zagha uwa a lele uwu agbọn ẹvbo ọvbehe, Ibozẹghẹ ọ ra miẹn uhunmwu vbe uwu uwa vbe odọ niii.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.

I Pita 1:1

E Pita ne ukọ Jesu Kristi ọre ọ gbẹn ebe na gie emwa ne Osanobua hannọ zẹ ni ragha zẹ vbe emwa ne ọlọghọmwa ya lẹ hin owa rre, gba ikinkin ọghe Pọntus, Galatia, Kapadonia, Esia kevbe Bitinia.