Ẹsta 3:7 - Edo Bible (E Baibol Ẹdo) Version 1996

⁷ Ọ ghi rre ukpo nogiweva ne Kzakzis rriọba, vbe uki ne okaro ne a tie ẹre Nisan, e Haman na wẹ ne a yan uta (e Purim ọ re iran tie nene emwi) ya gualọ, ẹghẹ ne ọ kei yi ne irẹn gha ya mu emwamwa dan irẹn sẹ. Iran keghi do bu ẹre ye ikpẹdẹ ne ogiwera vbe uki ne ogiweva ne a tie ẹre Ada.

Ẹsta 3:7 ပူးပေါင်းရင်းမြစ်များ

Ẹzra 4:6

Ugbẹn vbe Zakzis ne ọgbaisi ghi da la ẹkete, eghian emwa ni rre Juda kevbe Jerusalẹm keghi gbẹnnẹ ebe rhu iran.

Ẹzra 6:15

Ọ ghi rre ukpo ne ogiehan ne Dariọs ne Ọgbaisi la ẹkete, iran keghi bọ Ọgua Osa ni fo vbe ikpẹdẹ ne ogieha ọghe uki Ada.

Nehimaia 2:1

Ọ ghi sẹ ẹdẹ ọkpa vbe uki enẹ ghi gberra nẹ, Atakzaziz ne Ọgbaisi ghi rri evbare, I na sa ayọn mu gie ẹe. Ọ ma he miẹn mwẹ vbe uwu akhiẹ vberriọ ẹdẹ,

Ẹsta 1:3

Ọ ghi rre ukpo eha ne ọ rriọba, ọ keghi do le evbare tie avbe iran ni rre asẹ kevbe eghaẹvbo ẹre hia sẹ owa. Ivbiyokuo e Pẹsia kevbe Midia keghi vbe gha rre evba, erriọ vbe nọ ne iran ni khaemwisẹ kevbe avbe egbesẹmwegie ni rre otọe nii hia.

Ẹsta 2:16

Erriọ a miẹn ọẹn wẹ vbe ukpo ne ogihinrọn ne Kzakzis rriọba, vbe uki ne ogigbe ne a tie ẹre Tẹbẹt, a keghi rhie Ẹsta bu ọba Kzakzis vbe ẹguae ọba.

Ẹsta 9:1

Ọ keghi do sẹ ikpẹdẹ ne ogiwera ọghe Ada, ẹdẹ ne a ra ru vbene ọba gie, ne eghian avbe Ju rhie ekhọe yi wẹ obọ iran gha rhanmwẹ avbe Ju. Sokpan, ne ọ gha na te gha yerriọ, obọ avbe Ju keghi ke ukhunmwu ne iran.

Ẹsta 9:21

ne iran gha ya ikpẹdẹ ne ogiwera, kevbe ne ogiwenẹ vbe uki Ada hẹwẹ ukpo ukpo.

Ẹsta 9:5

Rhunmwuda ọnii, avbe Ju sẹtin ru avbe eghian iran emwi ne ọ khọn iran. Iran keghi ya umozo yan iran, iran na rẹnkhẹn iran an.

Itan 16:33

Emwa nagbọn ghi gha yan uta ne iran miẹn ehe na rẹn emwi ne ọ rre Osa ekhọe, sokpan, Osanobua ọ re ọ tobọ ọre ta vbene uta ni gha kha hẹ.

Matiu 27:35

Iran ghi kan rẹn mu ugbugbe nẹ vbe evba, iran keghi yan uta ya ghae ukpọn rẹn.