Ẹsta 3:2 - Edo Bible (E Baibol Ẹdo) Version 1996

² Ọba keghi tama avbe irriegie ẹre hia wẹ ne iran gha diguẹ vbokho uhunmwu rriotọ ya gha rhie ọghọ ne ẹẹn. Iran hia keghi gele gha ru vberriọ sokpan e Modekai ne ọ khare wẹ rẹn i ru ẹe.

Ẹsta 3:2 ပူးပေါင်းရင်းမြစ်များ

Gẹnẹsis 41:43

Ọ ke wẹ ne ọ hin ikẹkẹ okhuae nogieva ọghe ọba, iran ni wan ẹvbo hin odẹ rre ke odaro nẹẹn gha go wẹẹ, “Wa wan ruan.” Erriọ ọre a ya ye Josẹf ru enọkhaemwisẹ yan Igipt.

Ẹsta 2:19

Vbe uwu ẹghẹ na, ọba keghi rhie Modekai ye ukpo eghaẹvbo.

Ẹsta 2:21

Ẹghẹ ne Modekai na gha rre ukpo asẹ vbe ẹguae, e Bigtana kevbe Tẹrẹs, eva vbe uwu avbe ọghẹrriẹnoguan ni khẹ onurho ne a la la ughugha ọba, keghi gha kakabọ khọ ẹko Ọba Kzakzis, iran na khuan khẹ ọre ne iran gbe ẹe rua.

Ẹsta 2:5

Okpia ọkpa ne Ju kegha rre Susa, a keghi tie eni ẹnrẹn Modekai, ovbie e Jea, ovbi ẹwae e Bẹnjamin ọ re nọ vbe uniẹn ọghe Kis kevbe Simẹi.

Ẹsta 3:1

Ọ ghi kpee fua kherhe, e Kzakzis ne ọba keghi rhie okpia ọkpa ne a tie ẹre Haman ye ukpo iyasẹ. E Haman na kegha re ovbi e Hamedata ne ovbi uniẹn Agag.

Ẹsta 3:3

Avbe irriegie nekpa ni rre oga ọba keghi gha nọ rẹn otọ emwi ne ọ ọ sii ẹe ne ọ ma na họn ẹmwẹ ọba.

Ẹsta 3:5

E Haman ghi miẹn wẹ e Modekai ma mu egbe ne ọ gha ya diguẹ vbokho uhunmwu rriotọ ne irẹn, okuosu keghi rre ọe.

Ẹsta 5:9

Ugbẹn vbe Haman ghi ke isi evbare ladian, ẹko hia kegha sẹ ọre ọyẹnmwẹ, egbe na gha mu ẹẹn. Sokpan, ọ keghi do miẹn Modekai vbe onurho ẹguae, ugbẹn vbe Modekai ma guakpao ra ne ọ vbe rhie ọghọ nẹẹn hiehiere vbe odẹikodẹ, ohu e Haman keghi hin ukhunmwu ghe ẹre.

Psalm 15:4

Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

Ẹksọdọs 17:14

Ẹre Nọyaẹnmwa na tama e Mosis wẹẹ, “Gbẹn emwi na ye ebe ne a miẹn ehe na gha ye ẹre rre. Tama Jọsua wẹẹ I gha wa fuẹn Amalẹk fo fẹẹrẹ.”

Ẹksọdọs 17:16

Ọ keghi kha wẹẹ, “Tọn afiala e Nọyaẹnmwa mu! E Nọyaẹnmwa gha wa gha gu emwa Amalẹk khọn khian!”

Daniẹl 2:49

Zẹ vbene Daniẹl nọ rẹn, ọba keghi mu e Babilọn ne Siedrak Mesiak kevbe Abẹdnigo gha gbearoghe. Sokpan e Daniẹl kegha rre ẹguae Ọba.

Diuteronomi 25:19

Rhunmwuda ọnii, ugbẹn vbe Nọyaẹnmwa Osanobua rua a ghi mu otọe nii ne uwa ọ na degue uwa hin obọ ẹbe ọghe eghian uwa hia ni yin lẹga uwa nẹ, wa ghẹ mwẹ wa ma gbele ivbi Amalẹk hia vbe ne a gha na miẹn wẹ a i ghi miẹn ọmwa ne ọ gha ye iran rre ẹdẹdẹmwẹdẹ. Wa ghẹ mianmian!”

Filipai 2:10

Wẹ, ne a ya gha ya ọghọ ne eni Jesu, emwi hia ni rre ẹrinmwi, ni rre agbọn kevbe ni rre ototọ agbọn. Te ehia gha de iguẹ.

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”