Ẹsta 3:13 - Edo Bible (E Baibol Ẹdo) Version 1996

¹³ Iran keghi viọ ne emwa ni rhulẹ, ne iran viọ ẹre gba iyaẹvbo ni rre otọe arriọba nii hia. Emwi ne a gbẹn yọ ọrọre wẹ, a rhie ẹdẹ ọkpa ye otọ, ọnii nọ wẹ ikpẹdẹ ne ogiwera ọghe Ada, a ghi gbele avbe Ju hia kevbe ọmaẹn kevbe ẹghele, ikpia kevbe ikhuo, a wẹ ne a gbele iran an, vbe ne a i na vbe tohan ọmwa, wa ghi vbe viọ emwi iran hia.

Ẹsta 3:13 ပူးပေါင်းရင်းမြစ်များ

II Krọnikol 30:6

Ọba kevbe ọkhaẹmwẹ na gie emwa uhunmwu la otọ Juda kevbe Izrẹl ne iran ya tama emwa wẹẹ: “Ivbi Izrẹl, wa miẹn uhunmwu nẹ vbe okuọ ne Asiria do khọn otọ na re, banbanna nian, wa werriegbe bu e Nọyaẹnmwa ne Osanobua Ebraham, Aizik kevbe Jekọb gha dee, rẹn gha bu uwa rre.

Ẹsta 7:4

Ke imẹ kevbe emwa mwẹ, a khiẹnnẹ ima nẹ wẹ ne a gbele ima an. Akpawẹ te a khiẹnnẹ ima kua kevbe a ya gha re eviẹn emwa ọvbehe, I ghẹ zẹdẹ kpokpo uẹ, I gha hẹko hunwan, sokpan, te a ghi ra fuẹn ima an na, ne ima wa wu gbe ẹro.”

Ẹsta 8:5

“Adeghẹ ọ yẹ ruẹ Umogun, a deghẹ u gele mu ẹmwẹ mwẹ ro, a deghẹ ọ vbe kei vbe aro ruẹ, lahọ, tae ne a ya ẹe wewe ẹe la ehe hia wẹ ne a ghẹ ghi mu ẹmwẹ dan ne Haman tae sẹ, ẹmwẹ dan ne ovbi e Hamedata ne ovbi Agag tae wẹ ne a fuẹn avbe Ju ni rre otọe arriọba na hia a.

Ẹsta 9:1

Ọ keghi do sẹ ikpẹdẹ ne ogiwera ọghe Ada, ẹdẹ ne a ra ru vbene ọba gie, ne eghian avbe Ju rhie ekhọe yi wẹ obọ iran gha rhanmwẹ avbe Ju. Sokpan, ne ọ gha na te gha yerriọ, obọ avbe Ju keghi ke ukhunmwu ne iran.

Ẹsta 9:5

Rhunmwuda ọnii, avbe Ju sẹtin ru avbe eghian iran emwi ne ọ khọn iran. Iran keghi ya umozo yan iran, iran na rẹnkhẹn iran an.

Job 9:25

Ẹdẹ agbọn mwẹ rhulẹ gberra khian, ọkpa ne ọma i rrọọ.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Jerimaia 51:31

Avbe emwa ne a gie ẹre uhunmwu gha vẹ ya gha khama ọba e Babilọn wẹ emwa guọghọ ekẹn la ẹre ẹvbo vbe igienenẹ.

Ebe ne Pọl gbẹẹn gie emwa Rom 3:15

Gbe ẹe rua, rhia rua, ọre obọ na kẹ iran.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”

I Samuẹl 22:19

E Sọl kevbe gie ne a gbele emwa ọvbehe ni rre Nob ne ẹvbo avbe ohẹn ikpia kevbe ikhuo, emobọ kevbe emowẹ, ẹmila, ẹsin kevbe ohuan, a keghi wa gbele ehia a.