Ẹsta 3:12 - Edo Bible (E Baibol Ẹdo) Version 1996

¹² Ọ ghi sẹ ikpẹdẹ ne ogiwera ọghe uki ne okaro, e Haman keghi tie avbe ọgbenbe ọba, ọ na gha guan ne iran wa gha gbẹn ọẹn vbene irẹn ya tae nii, ẹmwẹ ne ọba tae, ne a gha vbe zedu ẹre ye ẹvbo ne a zẹ ke odẹ ne a ya gbẹnnẹ emwi ni rre otọe arriọba nii hia ne a viọ gie avbe irriegie ni khaemwisẹ, kevbe ewọe ọba hia. Eni e Kzakzis ọ re a ya ta ẹmwẹ na, a na ya oroka ẹre yi ama asẹ yọ.

Ẹsta 3:12 ပူးပေါင်းရင်းမြစ်များ

I Ọba 21:8

Ẹre okhuo nii na gbẹnnẹ ebe ọ na gbẹnnẹ eni Ehab lele ẹe ọ na munọ ama rẹn gbe ẹe, ọ na viọ gie emwa iwinna kevbe ekamakodin ni rre Jezrẹl.

Ẹzra 8:36

Iran kevbe mu ebe ne ọgbaisi gbẹn ne iran, iran na mu ne nọ khaemwisẹ kevbe iran ni rre asẹ vbe otọe Orrie Yufretes, iran na vbe ye obọ ya iran ẹre kevbe ugamwẹ vbe Ọgua Osa.

Ẹsta 1:22

Ọ keghi gie uhunmwu vbe ẹvbo ne iran zẹ kevbe vbene iran ya gbẹn emwi, gha rrie dọmwadẹ ehe ne a ghae otọe arriọba nii yi wẹ dọmwadẹ ọdọ ọ re ọ gha re ọdafẹn ne ọ yan owa ẹre, ẹmwẹ ne ọ tae ọ re ọ gha vbe gha re ọfo ye ẹmwẹ hia.

Ẹsta 3:11

Ọba keghi tama rẹn wẹẹ, “Ke emwa nii, kevbe igho ne iran mwẹ, ya gha rae, emwi ne ọ ghi khọn ruẹn, ru iran ẹre.”

Ẹsta 8:2

Ọba keghi yuo oroka ne ama asẹ ọre ye hin obọ rre (ọ miẹn e Haman ẹre nẹ) ọ na rhie ne Modekai. Ẹsta na wẹ ne Modekai gha gbe aro ghe emwi ne Haman mwẹ.

Ẹsta 9:27

Avbe Ju keghi yi uhi ye otọ ne egbe iran, ivbi uniẹn iran, kevbe avbe emwa ni gha dẹ egbe la e Ju wẹ ọ gha sẹ ẹghẹ ọre, a ghi gha ru emwi ukpo ikpẹdẹ eva na ukpo ukpo, zẹ vbene Modekai khare.

Daniẹl 3:10

Wẹ ne Umogun ọ re ọ tae wẹ a gha suẹn emwi gha kpee, emwa hia ghi ghughẹrre ya uhunmwu rhanmwẹ otọ, ne amazẹ igoru,

Daniẹl 6:12

Iran hia keghi koko gha khian ya gu e Daniẹl gui. Iran wẹẹ, “U gha tọ u kpẹre Umogun, wẹ ọ re ọ rhie obọ ye ebe iyi ne ọ khare wẹ ọ te ya sẹ ikpẹdẹ ọgban ọmwaikọmwa ne ọ nọ ẹbọ ọvbehe ra ọmwa ọvbehe rhọkpa emwi vbe ọ gberra uwẹ, a gha fi ọmwa ni fi uwu uvun ne a viọ avbe oduma vuọn.” Ọba keghi wanniẹn wẹẹ, “Ẹmwata nọ, ọnii ọrọre uhi ni zẹ vbe uhi ivbi Medis kevbe Pẹsia ne ẹ i fiwerriẹ.”

Daniẹl 6:15

Ẹre avbe emwa nii na bu ọba gha dee, iran tama rẹn wẹẹ, “U gha tọ u kpẹre Umogun, u rẹnrẹn wẹ zẹ vbene uhi ivbi e Medis kevbe Pẹsia khare, iyi ne ọba yii, a i fi ẹe werriẹ.”

Daniẹl 6:25

Ẹre Dariọs ne ọba na gbẹnnẹ ebe gie emwa ni rre uhunmwu ẹvbo hia, emwa ughughan kevbe ẹvbo ne a zẹ ni rre otọ agbọn wẹẹ, “I giotuẹ uwa hia!

Daniẹl 6:8

Rhunmwuda ọnii, Umogun gha yi iyi na ne ọ rhie obọ ye ebe ne a gbẹn ọẹn yi, a ghi gha lo ẹre ọ ghi gha re uhi ivbi e Medis kevbe Pẹsia ne a i fiwerriẹ.”