Ẹsta 3:11 - Edo Bible (E Baibol Ẹdo) Version 1996

¹¹ Ọba keghi tama rẹn wẹẹ, “Ke emwa nii, kevbe igho ne iran mwẹ, ya gha rae, emwi ne ọ ghi khọn ruẹn, ru iran ẹre.”

Ẹsta 3:11 ပူးပေါင်းရင်းမြစ်များ

Ẹsta 3:10

Ọba keghi yuo oroka ne irẹn rhie ye obọ, ne a ya yi ama ye ẹmwẹ ne ọ tae, ne a miẹn ehe na tie ẹre ẹmwata, ọ na rhie ne eghian avbe Ju ighẹ Haman ne ovbi e Hamedata ne uniẹn Agag.

Ẹsta 3:12

Ọ ghi sẹ ikpẹdẹ ne ogiwera ọghe uki ne okaro, e Haman keghi tie avbe ọgbenbe ọba, ọ na gha guan ne iran wa gha gbẹn ọẹn vbene irẹn ya tae nii, ẹmwẹ ne ọba tae, ne a gha vbe zedu ẹre ye ẹvbo ne a zẹ ke odẹ ne a ya gbẹnnẹ emwi ni rre otọe arriọba nii hia ne a viọ gie avbe irriegie ni khaemwisẹ, kevbe ewọe ọba hia. Eni e Kzakzis ọ re a ya ta ẹmwẹ na, a na ya oroka ẹre yi ama asẹ yọ.

Psalm 73:7

Ekhọe iran ghi gha hihiẹ ọkhọ ladian, ekhọe iran ghi gha zẹ iro emwi dan.

Jerimaia 26:14

Zẹ vbe ọghe imẹ, I rre uwa obọ nẹ! Wa ru mwẹ emwi ne uwa tobọ uwa rẹn wẹ ọ kere, ọ vbe hẹnhẹn.

Jerimaia 40:4

Banbanna nian, I ra rhan ọgiọrọ hin ruẹn urhu abọ rre ne I fan an fua. A deghẹ u ho ne u lele mwẹ gha rrie Babilọn, u sẹtin ru vberriọ, I gha gbearoghe ruẹ. Sokpan, a deghẹ u i ho ne u gha khian, ai ra vbe gba ru ẹe. Otọe ẹvbo na hia rre evba ne u gha na zẹ, u sẹtin gha rrie ehe ne ọ yẹ ruẹ.”

Iyẹn ne ọ Maan Ọghe Luk 23:25

Ọ keghi fan ọmwa ne iran ho fua ne iran, ọmwa ne a mu ye eghan rhunmwuda otighi kevbe izigha, ọ keghi rhie Jesu ye iran obọ ne iran ya ruẹe vbene iran ho.