Ẹsta 3:1 - Edo Bible (E Baibol Ẹdo) Version 1996

¹ Ọ ghi kpee fua kherhe, e Kzakzis ne ọba keghi rhie okpia ọkpa ne a tie ẹre Haman ye ukpo iyasẹ. E Haman na kegha re ovbi e Hamedata ne ovbi uniẹn Agag.

Ẹsta 3:1 ပူးပေါင်းရင်းမြစ်များ

Gẹnẹsis 41:40

I gha mu ẹmwẹ ẹvbo mwẹ yuẹ obọ, emwa mwẹ ghi gha ru vbene u khare. Wẹ ọ re ọ ghi ra gha zẹ lele mwẹ.”

Gẹnẹsis 41:55

Ugbẹn vbe ohanmwẹ ghi suẹn gha gbe ivbi Igipt hia, emwa nii hia keghi tu bu ọba ne ọ rhie evbare ne iran. Ọ ke tama emwa Igipt wẹẹ, “Wa bu e Josẹf gha khian ne u wa vbe ru vbe ne ọ ghi kha.”

Ẹzra 7:14

Mẹ kevbe iran ne ihinrọn ni gun mwẹ zẹ iro, ọ re ọ giọ wẹ ne u ya gualọ otọ vbene emwi hia ye hẹ vbe Jerusalẹm kevbe Juda, ne u miẹn ehe na rẹn vbe ne iran ya ẹe ru emwi hẹ ighẹ Uhi Osanobua ruẹ ne a ka yọ uẹ obọ.

Ẹsta 1:14

Iran ne ọ mobọ tie ye egbe iro vberriọ kegha re Kasiena, e Sieta, Admata, e Tasis, e Meres, e Masena, kevbe Memukan — iran ihinrọn ni rre asẹ vbe Pẹsia kevbe Midia emwa ni rre ukpo ni yosẹ vbe otọe arriọba nii.

Ẹsta 3:10

Ọba keghi yuo oroka ne irẹn rhie ye obọ, ne a ya yi ama ye ẹmwẹ ne ọ tae, ne a miẹn ehe na tie ẹre ẹmwata, ọ na rhie ne eghian avbe Ju ighẹ Haman ne ovbi e Hamedata ne uniẹn Agag.

Ẹsta 5:11

Ọ keghi gha rhuọ ma iran vbene irẹn fe hẹ, inu emọ ikpia ne irẹn mwẹ vbene ọba vbe rhie irẹn ye ukpo nọkhua hẹ kevbe vbene irẹn mwẹ uyi sẹ emwa ọvbehe hia ni rre ukpo asẹ vbe oga ọba hẹ.

Ẹsta 7:6

Ẹsta keghi wanniẹn wẹẹ, “Oghian ima ne ọ zẹ ima kpokpo ọrọre ọmwa dan na ighẹ Haman.” E Haman keghi ye ohan nọkhua bolo aro a gha ghe ọha kevbe Oloi.

Ẹsta 8:3

Ẹsta keghi dọlegbe gu ọba guan. Ọ degbe otọ vbe akharha ẹre, ọ na gha viẹ. Ọ rinmwian ẹn wẹ ne ọ gualọ odẹ la da obọ iro dan ọghe Haman ne ovbie Agag zẹẹ ghe avbe Ju.

Itan 29:2

Ma mwẹ ọmwa ẹmwata ne ọ rre asẹ, I gha vbe ma ruẹn emwa ne ẹko sẹ ọ re ọyẹnmwẹ. Ma mwẹ ọmwa dan ne ọ rre asẹ, I gha vbe ma ruẹn emwa ne agbọn khan rẹn.

Asan-Ibo 10:6

A ghi rhie avbe ọzuọ ye ukpo ọdakha vbene a na sẹ avbe emwa esi rae.

Daniẹl 6:2

Ye vbe sẹẹ ọnii, ọ keghi zẹ e Daniẹl kevbe arhin eva ọvbehe ne iran gha gbearoghe avbe gọvina na, kevbe ne iran gha kan ukọ ọha.

Nọmbas 24:7

Amẹ gha wa rhọ ne iran ẹsẹse iran kọ emwi okọ iran ye otọe ne ọ rọkhọe ọba iran gha kpọlọ sẹ Agag, arriọba ẹre gha kpolo, ọ gha tan la erhan la irri

I Samuẹl 15:33

E Samuẹl keghi kha wẹẹ, “Vbene umozo ya iye nibun khian ne ẹ i ghi mwẹ emọ, erriọ ọ re iye uẹ ra vbe khian ne ẹ i ghi mwẹ ọmọ ẹrẹna.” Ọ keghi hele Agag ike yo odaro aka ne ọ rre Gilgal.

I Samuẹl 15:8

Ọ keghi mu Agag ne ọba oghunmwu ke ẹe kevbe ẹmwẹ ne unu. Sokpan ọ keghi gbele emwa nekpa hia a.