Ẹsta 2:23 - Edo Bible (E Baibol Ẹdo) Version 1996

²³ A keghi gie emwa ni iran gualọ otọ ẹmwẹ na, a keghi miẹn wẹẹ, ẹmwata ọ re wa nọ. A keghi rhunmwuda ọnii silo emwa na rrọọ. Ẹre ọba na wẹ ne a gbẹn emwi na ye otọ vbe ebe isiemwiẹro ọghe otọe arriọba nii.

Ẹsta 2:23 ပူးပေါင်းရင်းမြစ်များ

Gẹnẹsis 40:19

Vbe irakhuẹ e Fero gha tie ruẹ, ọ ghi fian an uhunmwu fua! Ọ ghi si ikun ruẹn rrọ ye uhunmwu erhan, avbe ahianmwẹ ghi gha rri efun egbe ruẹ.”

Gẹnẹsis 40:22

sokpan ọ keghi si ọkaolotu e ni le ebrẹd rrọ. Ọ na kegha re emwi ne Josẹf wẹ a ya imina iran kha zẹẹ.

Ẹzra 4:15

ne a ya gualọ uwu emwi ne avbe enikaro, avbe erha a odede gbẹnnẹ yotọ. A gha ru ẹe vberriọ, u gha miẹn wẹ te ẹvbo na wa sọtẹ ẹdẹdẹmwẹdẹ, kevbe wẹ ke ẹkpo nẹdẹ gha dee, ukpokpo ọ re ọ rhie ne avbe ọba kevbe avbe ogie isi hia. Ivbi ẹvbo ni, keghi re emwa nẹ i gie a kha yan. Ọnii ọ re ọ si ẹe ne a na dunmwu ẹvbo ni uan.

Ẹsta 10:2

Avbe emwi nọkhua kevbe ni yan ọmwa unu uan ne ọ ru kevbe okha ọghe vbene ọ rhie Modekai ye ukpo ne ọ yo hẹ, a gbẹnnẹ ọẹn ye ebe asẹ otọe ọghe avbe ọba e Pẹsia kevbe Midia.

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Ẹsta 6:1

Vbe asọn ne a kha na, ọba ma miẹn ovbe, ọ na wẹ ne a mu ebe ne a gbẹnnẹ emwi ni sunu vbe otọe arriọba yi rre ne a do gha tie ẹre ma iran.

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

Jọsua 8:29

Ọ keghi si ọba Eai rrọọ ye erhan, ọ na sẹ ọe rae ye erhan ya sẹ ota. Owẹn ghi defua, nẹ, e Jọsua keghi gie emwa, iran na ya mu ikun ẹnrẹn tuorre, iran keghi fiẹe fi otọ vbe onurho ne a la la ẹvbo ni. Iran keghi silo okuta ọrhẹnrhẹn gbo yan rẹn, te ọ ye rre evba do sẹ ẹdẹ nẹrẹ na.