Ẹsta 2:18 - Edo Bible (E Baibol Ẹdo) Version 1996

¹⁸ Ẹre ọba na le evbare nọkhua tie emwa sẹ owa ya mu ọghọ ye Ẹsta egbe, ọ keghi tie ekhaẹmwẹ kevbe eghaẹvbo ẹre hia. Ọ keghi rhie ẹghẹ ne emwa ya hẹwẹ vbe iwinna la otọe arriọba nii hia fẹẹrẹ. Ọ keghi ghae emwi ya gie emwa hia zẹ vbene ọ kere ne ọba.

Ẹsta 2:18 ပူးပေါင်းရင်းမြစ်များ

Gẹnẹsis 29:22

Ẹre Leban na le evbare irhiọha, ọ na tie emwa hia sẹ owa.

Nehimaia 8:11

Avbe Livai keghi la uwu ẹbu iran, iran na gha bọ iran, iran na gha tama iran wẹ ne iran ghẹ khiẹ vbe ẹdẹ nọhuanrẹn vberriọ.

Ẹsta 1:7

Ukpu igoru ọ re a ya gha sa ayọn ne emwa, a i vbe miẹn eva ne ọ re aro ọkpa vbọ, ọba keghi vbe gie ayọn ne ọba da kpọ kua.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Ihuan Ne Ọ Sọọ Ihuan Hia 3:11

Wa ne ikhuo e Zaiọn, wa do ghe Solomọn. Ọ mu ẹde ne iyẹe mu ye ọ re uhunmwu rhuẹ, vbe ẹdẹ ne ọ rhie ọha vbe oghọghọ kevbe ọyẹnmwẹ ọghọe.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Matiu 22:2

“Arriọba ẹrinmwi yevbe ọba ọkpa ne ọ le evbare irhiọha ọghe ovbi ẹre nokpia.

Iyẹn ne ọ Maan Ọghe Mak 6:21

Vbe okiekie ehia, obọ Hẹrodias keghi vba emwi. Ẹdẹ ayere ẹdẹ ubiẹmwẹ Hẹrọd nọ. Hẹrọd keghi tie eka ighele kevbe eka okuo kevbe iran ni hin ukhuaẹn ni rre Galili hia sẹ owa.

Iyẹn ne ọ Maan Ọghe Luk 14:8

“Ọmwa gha tie ruẹ ye ehe evbare irhiọha ghẹ ya tota ye ehe ne ọ maa sẹ ehia, rhunmwuda a sẹtin miẹn wẹ a vbe tie emwa ne ọ sẹ ruẹ.

Arhie Maan 11:10

Ẹko gha rhiẹnrhiẹn emwa ne agbọn ye uwu ne iran eva na wulo. Iran ghi do ugie ẹre, iran ghi gha ya emwi ha oko gie egbe, rhunmwuda, akhasẹ eva na, oya ne iran si ye emwa ne agbọn egbe keghi bu ẹsẹse.

Arhie Maan 19:9

Odibosa nii keghi tama mwẹ wẹ, “Gbẹn ọnọna ye otọ: I ma kan iran ne a tie re ne ọ gha die eghọ ọghe irhiọha Oteghe Ohuan nii.” Odibosa nii keghi vbe rhie te ẹe wẹẹ, “Ẹmwata nọ, ke unu Osanobua tobọ ẹre rre ọre ọ na khin.”

I Samuẹl 25:8

Nọ iran, iran gha tama ruẹn. E Devid wẹ ne u rhan obọ itohan miẹn emwa irẹn rhunmwuda ma gha rrie edinran vbe ẹdẹ eghọ. Rhunmwuda ọnii, viọ emwi ne obọ ruẹ gbare ne ima ne eguọmwadia ruẹ; kevbe Devid ne ọ siọ ne ọ ghaan.”