Ẹsta 2:14 - Edo Bible (E Baibol Ẹdo) Version 1996

¹⁴ Ọ ghi gha khian, vbe ota, ẹdẹ gha ghi gbe a ghi rhie ẹre gha rrie ẹrriẹ ọvbehe, a ghi rhie ẹre ne Siasgaz ne ọghẹrriẹnoguan ne ọ gbearoghe avbe egbakhian ọba. Ẹ i ghi dọlegbe yo ehe ne ọba ye ọvbehe, sokpan a ma wẹ te ọba ho ẹmwẹ ọnrẹn ọ na so eni ẹnrẹn ya nọ ẹmwẹ ọnrẹn.

Ẹsta 2:14 ပူးပေါင်းရင်းမြစ်များ

Gẹnẹsis 34:19

Ọvbokhan na ma vbe yae rhọ eghẹrẹ, ọ keghi wa gha ru vbene iran khare rhunmwuda ẹmwẹ ovbi e Jekọb nokhuo la ẹre aro. Okpia na ọre ọ vbe re ne ọ ru ọmwa kpataki sẹ vbe ẹgbẹe ọre.

Ẹsta 2:13

Ọvbokhan okhuo nii gha ke ẹrriẹ rrie ẹguae ọ sẹtin hẹ emwi ne ọ ye ọre ye egbe.

Ẹsta 2:15

Ọ keghi do sẹ egbe Ẹsta ne ọ gha rrie ehe ne ọba ye. Ẹsta ne ovbi Abihẹl, kevbe ọtẹn e Modekai ne ọ ghi mu ẹẹn biẹ, zẹ vbe ovbi ẹre ne okhuo, Ẹsta ne a miẹn wẹ ọmwa ne ọ rhirhi miẹn ọẹn hia ọre ọ ho ẹmwẹ ọnrẹn. Ọ ghi sẹ egbe ẹre, ọ keghi mu egbe zẹ vbene Hegai ne ọghẹrriẹnoguan, ne ukọ ne ẹrriẹ tama rẹn.

Ẹsta 4:11

“A deghẹ ọmwaikọmwa la odẹ ugha vbe ẹguae, ọ na ya miẹn ọba vbe ne a ma na gie na a tie ẹre, te a gbe ọmwa nii uan, ọ re okpia na nọ ra okhuo nọ. Uhi ne ọ rrọọ ọ re ọnii khin, emwa hia wa rẹn ọna ke egbe avbe iguọbaziro kpao ya sẹ egbe avbe emwa ni rre iyaẹvbo hia. Odẹ ọkpa ne a na sẹtin lẹ uhi na fe ọrọre wẹ, a deghẹ ọba ghi niẹn ọkpọ igoru ẹre da ọmwa nii, a i ghi gbe ẹe rua sokpan uki hoho ọ re ọ ghi ye na ne ọba ghi gie na a tie mwẹ sẹ.”

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 45:4

Te imẹ zẹ uwẹ ne u yi Izrẹl ne ọguọmwadia mwẹ obọ avbe emwa ne imẹ hannọ zẹ I ya ọghọ nọkhua ne uẹn nẹ, a gha rhe miẹn wẹ u ma rẹn mwẹ.

Diuteronomi 21:14

“A deghẹ ọ ghi zẹ kpẹe, u na wẹ u i ghi gualọ ẹe, u ghi gie ẹe wa gha rrie vbe ne ẹ i na ha osa; rhunmwuda ighẹ ẹtin vbe iwegbe ọ re u ya mu ẹẹn ne ọ lovbiẹ ke uẹ, u i sẹtin ya obọ ne a ya mu ọviẹn mu ẹẹn, ne u khiẹn ọẹn.