Ẹsta 10:2 - Edo Bible (E Baibol Ẹdo) Version 1996

² Avbe emwi nọkhua kevbe ni yan ọmwa unu uan ne ọ ru kevbe okha ọghe vbene ọ rhie Modekai ye ukpo ne ọ yo hẹ, a gbẹnnẹ ọẹn ye ebe asẹ otọe ọghe avbe ọba e Pẹsia kevbe Midia.

Ẹsta 10:2 ပူးပေါင်းရင်းမြစ်များ

I Ọba 11:41

Emwi hia ne Solomọn ru, iwinna ne ọ winnaẹn kevbe ẹwaẹn rẹn, a gbẹnnẹ ehia ye Ebe Okha e Solomọn.

I Ọba 14:19

Avbe emwi hia fẹẹrẹ ne Jeroboam ne ọba gha ru, avbe okuo ne ọ khọnrẹn kevbe vbene ọ ya gha khaemwisẹ hẹ, a gbẹnnẹ ehia ye Ebe Okha Ọghe Avbe Ọba Izrẹl.

I Ọba 22:39

Emwi hia ne Ehab ne ọba ru fẹẹrẹ, ya sẹ egbe ẹguae ne ọ ya akọn eni tee kevbe avbe okpẹvbo ne ọ bọlọ ẹe, a gbẹnnẹ ọẹn ye Ebe Okha Avbe Ọba Izrẹl.

Ẹsta 2:23

A keghi gie emwa ni iran gualọ otọ ẹmwẹ na, a keghi miẹn wẹẹ, ẹmwata ọ re wa nọ. A keghi rhunmwuda ọnii silo emwa na rrọọ. Ẹre ọba na wẹ ne a gbẹn emwi na ye otọ vbe ebe isiemwiẹro ọghe otọe arriọba nii.

Ẹsta 6:1

Vbe asọn ne a kha na, ọba ma miẹn ovbe, ọ na wẹ ne a mu ebe ne a gbẹnnẹ emwi ni sunu vbe otọe arriọba yi rre ne a do gha tie ẹre ma iran.

Ẹsta 8:15

Emwi ne Modekai hẹ ye egbe ladian vbe ẹguae kegha re ẹwu ọba ne a ya eto ovbiohuẹ ododo se, ọ kevbe mu ẹde igoru ne mose mose rhuẹ. Ọre Susa hia na gha we ne ẹẹn bọọ.

Ẹsta 8:2

Ọba keghi yuo oroka ne ama asẹ ọre ye hin obọ rre (ọ miẹn e Haman ẹre nẹ) ọ na rhie ne Modekai. Ẹsta na wẹ ne Modekai gha gbe aro ghe emwi ne Haman mwẹ.

Ẹsta 9:4

Agbọn hia keghi wa rẹn vbe otọe arriọba ni hia fẹẹrẹ wẹ ọmwa ne ọ mwẹ ẹtin ọre Modekai ghi khin vbe ẹguae, kevbe wẹ te ẹtin ẹnrẹn dọlegbe kpọlọ yọ.

Psalm 18:35

Nọyaẹnmwa, wẹ ọ re ọ degue mwẹ u na vbe miẹn mwẹ fan vbe u ya gbe aro ghe mwẹ ya mwẹ khian nọkhua. Ẹtin ruẹn ya mwẹ gha rrọọ vbe ai mwẹ ẹbe.

Daniẹl 2:48

Ọ keghi rhie Daniẹl ye ukpo ne ọ yo, ọ keghi ya emwi nibun hia zẹ ọhẹ ne ẹẹn, ọ mu otọe Babilọn ne ẹẹn gha gbearoghe, ọ keghi ya ẹe ru ọkaolotu avbe iguọbaziro hia.