Ẹsta 1:7 - Edo Bible (E Baibol Ẹdo) Version 1996

⁷ Ukpu igoru ọ re a ya gha sa ayọn ne emwa, a i vbe miẹn eva ne ọ re aro ọkpa vbọ, ọba keghi vbe gie ayọn ne ọba da kpọ kua.

Ẹsta 1:7 ပူးပေါင်းရင်းမြစ်များ

I Ọba 10:21

Igoru ọre a ya ru ukpu hia ne Solomọn ya wọn amẹ, kevbe avbe emwi na lo ni rre Ugha Ẹgbo e Lebanọn hia. A ma lo e siliva, rhunmwuda, vbe ẹghẹ ọghe Solomọn, a ma ka ẹe ye emwi rhọkpa.

II Krọnikol 9:20

Igoru ọre a ya ru ukpu e Solomọn hia, avbe emwi ulemwi ra ọkpan hia ni rre Ugha Ẹgbo e Lebanọn, igoru ne ma gua ọ re a ya ru ehia. Vbe ẹghẹ e Solomọn, a i vbe ka esiliva ye emwi rhọkpa.

Ẹsta 1:8

Ayọn i vbe mwẹ wẹ ọ fo. Ọba wa tama ivbiodibo ẹguae wẹ ne a gie dọmwadẹ ọghọe da ẹko te vuọn ẹẹn.

Ẹsta 2:18

Ẹre ọba na le evbare nọkhua tie emwa sẹ owa ya mu ọghọ ye Ẹsta egbe, ọ keghi tie ekhaẹmwẹ kevbe eghaẹvbo ẹre hia. Ọ keghi rhie ẹghẹ ne emwa ya hẹwẹ vbe iwinna la otọe arriọba nii hia fẹẹrẹ. Ọ keghi ghae emwi ya gie emwa hia zẹ vbene ọ kere ne ọba.

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.