Ẹsta 1:6 - Edo Bible (E Baibol Ẹdo) Version 1996

⁶ Ukpọn ne a ya oru nọfua kevbe ne raghoragho do ọ re a tan lele ogba nii ya te ẹre, a keghi ya okun eto ovbiohuẹ ododo de ẹre ye oroka esiliva mu orre ne a ya okuta ikpẹrọnmwọ ru. A keghi viọ aga nekhua ne a ya esiliva kevbe igoru ru lele ore ẹguae. Emwi ne a ya maa otọ ore nii kegha re ikpokuta ẹrọnmwọ nọfua, ekhae ne ọ baa ne a kpe, ogiete ikpẹrọnmwọ ne ọ fi wainwain kevbe emwi ne ọ ye vbe odan ne raghoragho.

Ẹsta 1:6 ပူးပေါင်းရင်းမြစ်များ

Ẹsta 7:8

Rẹn ghi wa deguo ye aga nọkhua ne Ẹsta tota yi ne ọ rinmwian ẹn wẹ ne ọ tohan irẹn. Ọba na wa dọlegbe ke uwu ogba la owa, Ọba ghi wa bẹghe ẹre vberriọ ọ keghi datu wẹẹ, “Te oko na ra wa vbe sirra mwẹ gha mu Oloi yagha vbe ehe ne imẹ ye vbe ẹguae mwẹ ra?” Ọba ma he ta ẹmwẹ na fo vbe avbe ọghẹrriẹnoguan mu emwi gue Haman uhunmwu.

Ẹsta 8:15

Emwi ne Modekai hẹ ye egbe ladian vbe ẹguae kegha re ẹwu ọba ne a ya eto ovbiohuẹ ododo se, ọ kevbe mu ẹde igoru ne mose mose rhuẹ. Ọre Susa hia na gha we ne ẹẹn bọọ.

Ẹksọdọs 26:1

“Wa ghi ya igbu igbe ọghe eto ovbiohuẹ ne a mẹ, bọ owa ukpọn ne imẹ dia, deba eto ohuan ne raghoragho, ne ọ vboro kian an kevbe ne ọ baa. A ghi munọ ona avbe emwi nii zẹ ifuẹn ye avbe igbu ukpọn na mose mose.

Ezikiẹl 23:41

Iran ghi tota ye aga nekhuẹrhẹ ne ọ mose, iran ghi mu eteburu ne a viọ emwi ni maa hia yi ye odaro iran vbe uwu ne eturari kevbe ẹvbi oliv ne I viọ ne iran ye.

Emọs 2:8

Vbe owa ugamwẹ hia, ukpọn ne emwa miẹn ivbiogue re dayi rhunmwuda osa, ọ re iran ya vbiẹ. Uwu Ọgua Osa Osanobua iran, ọre iran na da ayọn ne iran miẹn emwa ni rri iran osa ẹre.

Emọs 3:12

E Nọyaẹnmwa khare wẹẹ, “Zẹ vbene ọsuohuan rhọ owẹ ra ehọ ohuan ne oduma gbe re vbe otọ, erriọ zẹẹ, ibozẹghẹ ọ re ọ ra miẹn uhunmwu vbe ivbi e Sameria, ni niẹn obọ niẹn owẹ ua lele aga ne purhẹ iran.

Emọs 6:4

U miẹn vbe ọ gha ba so uwa hẹ, wa ni nien obọ nien owẹ ua ye aga ne pọrhọ ọwua, wa ni rri emiowo oteghe ẹkhuia kevbe oteghe ohuan.

I Samuẹl 28:23

E Sọl keghi he ọ na wẹ rẹn i rri emwi rhọkpa, sokpan, emwa rẹn keghi vbe rherhe ọe ne ọ rri evbare. Vbe okiekie, ọ keghi khuẹnniẹn yọ, ọ keghi kpao vbe otọ, ọ na tota ye ukpo.