Ẹsta 1:4 - Edo Bible (E Baibol Ẹdo) Version 1996

⁴ Uki ehan gbalaka ọ re ọ wa ya gha viọ ẹfe ni rre ẹguae ma emwa deba oyọnyọn kevbe uyi ẹkpẹn ọnrẹn.

Ẹsta 1:4 ပူးပေါင်းရင်းမြစ်များ

I Krọnikol 29:25

E Nọyaẹnmwa keghi ru ẹe ne ohan e Solomọn gha mu otọe ẹvbo hia, ọ keghi ya ẹe mwẹ uyi sẹẹ avbe ọba hia ne ọ he rriọba vbe Jerusalẹm.

Ẹsta 1:3

Ọ ghi rre ukpo eha ne ọ rriọba, ọ keghi do le evbare tie avbe iran ni rre asẹ kevbe eghaẹvbo ẹre hia sẹ owa. Ivbiyokuo e Pẹsia kevbe Midia keghi vbe gha rre evba, erriọ vbe nọ ne iran ni khaemwisẹ kevbe avbe egbesẹmwegie ni rre otọe nii hia.

Ẹsta 1:5

Vbe iyeke ọnii, ọba keghi le evbare tie ikpia hia ni rre ore Susa ne igiogbẹ sẹ owa, kevbe iran ni fe kevbe avbe ivbiogue. Uzọla hoho ọ re ọ wa ya vbe otọ. Uwu ogba ne a na rhie ẹhoho vbe ẹguae ẹre iran na ru ẹe.

Job 40:10

“Adeghẹ erriọ nọ, kpaegbe vbe ọghọ kevbe ekpẹn ne egbe ruẹ, u ghi ya ohan ọba kevbe uyi han ye egbe.

Psalm 145:5

Iran gha ta ọta uyi ruẹ, kevbe uyi ọba ne ọ gue uwẹ, mẹ gha vbe mu ẹmwẹ avbe iwinna ọyunnuan rẹn ro.

Psalm 21:5

Uyi ẹre kpọlọ rhunmwuda iyobọ ruẹ, u rhie otiti kevbe oyọnyọn egie ne ẹẹn.

Psalm 45:3

Rro umozo ruẹ mu ẹkun, ọba nọkhua, wẹ nẹ ọ vuọn ne osẹ kevbe uyi ọba.

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Aizaia 39:2

E Hẹzekaia keghi gbe ọbokhian ne iran, ọ na ma iran ẹfe ne irẹn mwẹ hia, avbe esiliva kevbe igoru ẹre, avbe ori ni winhin, kevbe avbe emwi ne ivbiyokuo ya khọn okuo. Emwiọkpa i rre avbe aza ẹre ra eheikehe vbe otọ arriọba ẹre ne ọ ma viọ ma iran.

Ezikiẹl 28:5

U ru emwamwa ẹwaẹn ọghe ẹki, u na gha rriere nibun. A miẹn vbene u ya ẹfe ruẹ rhuọ hẹ!

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Daniẹl 4:36

“Ẹrherhe mwẹ ghi gba nẹ vbe uhunmwu mwẹ, ẹtin ọba ne I mwẹ kevbe uyi ọghe arriọba mwẹ, a keghi dọlegbe viọ ehia mẹ. Avbe ekhaẹmwẹ mwẹ kevbe avbe enigie mwẹ keghi rhaan obọ miẹn mwẹ, a keghi dọlegbe mu ẹtin ọba mwẹ mẹ, ke ẹe kevbe uyi ne ọ kpọlọ sẹẹ ne ọ te ka rrọ yi.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Matiu 4:8

Iyeke ọnii, Esu keghi mu Jesu gha rrie uhunmwu oke ne ọ yo ẹsẹse, ọ keghi rhie arriọba otọ agbọn hia ma rẹn, ehe ne ọ sẹe, ehe ne ọ rhanmwẹ, ọ tama rẹn wẹẹ,

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Ebe ne Pọl gbẹẹn gie emwa Rom 9:23

Ọ keghi vbe gha ho ne ọ rhie ẹre ne a miẹn ighẹ ukpọlọmwẹ uyi ẹre ne ọ tue yan ima ne ọ wẹ ne irẹn tohan rẹn, ma ne ọ hannọ ye otọ nẹ ne uyi ẹre sẹ ima obọ.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

Arhie Maan 4:11

“Nọyaẹnmwa kevbe Osanobua mwa! Wẹ sẹe ne ọ gha miẹn uyi kevbe ọghọ, kevbe ẹtin. Rhunmwuda wẹ ọre ọ yi emwi hia. Zẹ vbene u ho, ọre u ya rhie arrọọ ne iran kevbe ẹfe.”