Ẹsta 1:3 - Edo Bible (E Baibol Ẹdo) Version 1996

³ Ọ ghi rre ukpo eha ne ọ rriọba, ọ keghi do le evbare tie avbe iran ni rre asẹ kevbe eghaẹvbo ẹre hia sẹ owa. Ivbiyokuo e Pẹsia kevbe Midia keghi vbe gha rre evba, erriọ vbe nọ ne iran ni khaemwisẹ kevbe avbe egbesẹmwegie ni rre otọe nii hia.

Ẹsta 1:3 ပူးပေါင်းရင်းမြစ်များ

Gẹnẹsis 40:20

Vbe ikpẹdẹ ne ogieha ne ọ re ẹdẹ ayere ubiẹmwẹ Fero, ọ keghi le evbare ne avbe ọruemwi ẹnrẹn hia, ọ keghi tie ne ọsiẹnro ayọn rẹn kevbe ọkaolotu iran ni le ebrẹd ye odaro avbe ọruemwi ẹnrẹn.

I Ọba 3:15

E Solomọn ghi rhiọrre ọ keghi miẹn wẹ te Osanobua gu irẹn guan vbe imina. Ẹre ọ na gha rrie Jerusalẹm, ọ na ya mudia ye odaro Ẹkpẹti Ile e Nọyaẹnmwa, ọ na zọ ese ne a giẹn uan kevbe ọghe isara ghe Nọyaẹnmwa. Iyeke ọnii, ọ keghi le evbare ne emwa rẹn hia re.

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Ẹsta 1:14

Iran ne ọ mobọ tie ye egbe iro vberriọ kegha re Kasiena, e Sieta, Admata, e Tasis, e Meres, e Masena, kevbe Memukan — iran ihinrọn ni rre asẹ vbe Pẹsia kevbe Midia emwa ni rre ukpo ni yosẹ vbe otọe arriọba nii.

Ẹsta 1:4

Uki ehan gbalaka ọ re ọ wa ya gha viọ ẹfe ni rre ẹguae ma emwa deba oyọnyọn kevbe uyi ẹkpẹn ọnrẹn.

Ẹsta 2:18

Ẹre ọba na le evbare nọkhua tie emwa sẹ owa ya mu ọghọ ye Ẹsta egbe, ọ keghi tie ekhaẹmwẹ kevbe eghaẹvbo ẹre hia. Ọ keghi rhie ẹghẹ ne emwa ya hẹwẹ vbe iwinna la otọe arriọba nii hia fẹẹrẹ. Ọ keghi ghae emwi ya gie emwa hia zẹ vbene ọ kere ne ọba.

Ẹsta 3:7

Ọ ghi rre ukpo nogiweva ne Kzakzis rriọba, vbe uki ne okaro ne a tie ẹre Nisan, e Haman na wẹ ne a yan uta (e Purim ọ re iran tie nene emwi) ya gualọ, ẹghẹ ne ọ kei yi ne irẹn gha ya mu emwamwa dan irẹn sẹ. Iran keghi do bu ẹre ye ikpẹdẹ ne ogiwera vbe uki ne ogiweva ne a tie ẹre Ada.

Aizaia 21:2

I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Daniẹl 5:1

Ọ ghi sẹ asọn ọkpa, e Bẹlsiaza keghi giee ne a tie emwa ni sẹ ekpe arriaisẹn gha die evbare eghọ nọkhua. Iran hia keghi gba gha da ayọn.

Daniẹl 5:28

A ghaa ẹre, a ghaa otọe arriọba ruẹ, a na viọ ne avbe Medis kevbe Pẹsia.”

Daniẹl 6:1

E Dariọs keghi mwamwaẹn, ọ na zẹlẹ avbe gọvina iyehan ye ukpo vbe otọe arriọba ẹre.

Daniẹl 8:20

“Ogho ne u miẹn ne ọ mwẹ igho eva nii, mudia ye ihe avbe arriọba e Midia kevbe Pẹsia.

Iyẹn ne ọ Maan Ọghe Mak 6:21

Vbe okiekie ehia, obọ Hẹrodias keghi vba emwi. Ẹdẹ ayere ẹdẹ ubiẹmwẹ Hẹrọd nọ. Hẹrọd keghi tie eka ighele kevbe eka okuo kevbe iran ni hin ukhuaẹn ni rre Galili hia sẹ owa.