Ẹsta 1:11 - Edo Bible (E Baibol Ẹdo) Version 1996

¹¹ Ọ keghi tama iran wẹ ne iran rhie Vasti ne Oloi gha dee ke ẹe kevbe ẹrhu ẹde vbe uhunmwu ẹnrẹn. Oloi na kegha re okhuo ne ọ mose, ọba keghi te ho ne ọ ya ose ẹre hio ma avbe emwa ni rre asẹ kevbe avbe emwa ne ọ tie se owa hia.

Ẹsta 1:11 ပူးပေါင်းရင်းမြစ်များ

II Samuẹl 14:25

A ma vbe miẹn orhiọnkpa vbe Izrẹl ne a gha ya gie Absalọm vbe ose, wa ke uhunmwu ya sẹ ikpihianwẹ, okan rhọkpa i vbe rrọ ọre egbe.

Ẹsta 1:12

Sokpan, avbe odibo ghi ya tama e Vasti ne Oloi vbene ọba khare, ọ na wẹ rẹn i dee. Emwi na keghi mu ọba ohu ẹsẹse.

Ẹsta 2:17

Ọba keghi ho ẹmwẹ ọnrẹn sẹ ibiẹka ikhuo nekpa. Ẹmwẹ ọnrẹn keghi la ẹre ekhọe sẹ hia. Ọ keghi mu ẹde ọba rhu ẹre uhunmwu, ọ keghi ya ẹe ma Oloi ye ihe Vasti.

Itan 16:9

Wẹ sẹtin ru emwamwa ọwuẹ. Sokpan Osanobua ọ re ọ ta vbene u gha ru emwi hẹ.

Itan 31:30

Te ose rẹrẹ ọmwa, te ukhuegbe vbe khian ne a ho bẹkun, sokpan okhuo ne ọ ya ọghọ ne Nọyaẹnmwa, te ọ kere ne a tian rẹn.