Emọs 9:6 - Edo Bible (E Baibol Ẹdo) Version 1996

⁶ Ẹrinmwi ọre Nọyaẹnmwa bọ owa ẹre yi. Ọ keghi fi iso, zẹ vbe ekharha yan otọ agbọn. Ọ datie amẹ ni rre Okun. Ọ keghi hihiẹ ọe ku otọ agbọn e Nọyaẹnmwa ọrọre eni ẹnrẹn.

Emọs 9:6 ပူးပေါင်းရင်းမြစ်များ

Gẹnẹsis 2:1

A keghi do yi otọe kevbe iso fo.

Psalm 104:13

U gie amẹ ke iso gha rriẹ uhunmwu avbe oke, a keghi ye afiangbe ruẹ vuọn agbọn.

Psalm 104:3

U keghi bọ owa ruẹ yan amẹ ne ọ rre odukhunmwu, u ye okuku amẹ ru ikẹkẹ okuo ruẹ, u keghi hin khian vbe ifuẹn ẹhoho.

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Emọs 5:8

E Nọyaẹnmwa ọ re ọ yii avbe orhọnmwẹ, iyọkhọkọ kevbe Agho. Ọ ye ebiebi khian uwanmwẹ kevbe avan khian asọn. Ọ gha datie amẹ ni rre okun ọ ghi hihiẹ ọe ku otọ. E Nọyaẹnmwa ọrọre eni ẹnrẹn.