Emọs 9:4 - Edo Bible (E Baibol Ẹdo) Version 1996

⁴ Eghian iran gha viọ iran oghunmwu gha rrie iwe, I gha tama iran wẹ ne a gbele iran an. I wa ta ẹe nẹ wẹ te I ra fuẹn iran an, ẹ i re te I ra ya iran obọ.”

Emọs 9:4 ပူးပေါင်းရင်းမြစ်များ

Gẹnẹsis 44:21

Enọwanrẹn, u na wẹ ne ima rhie ẹre rre ne u miẹn ọẹn,

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

Psalm 34:17

Ẹmwata gha kpe tie Nọyaẹnmwa, ọ ghi vbe miẹn iran fan, vbe uwu ọlọghọmwa iran hia.

Ẹksọdọs 14:24

Ẹdẹ ghi ra gbe, e Nọyaẹnmwa keghi ke uwu orre erhẹn kevbe okuku gbe aro ghe otọ ghe avbe ivbiyokuo Igipt, ọ na fian otighi fi ọbuohiẹn iran.

Jerimaia 12:12

Emwa wa fian uhunmwu oke ato ni rra do fu emwi hẹ, I gie okuo ne ọ ya fuẹn otọe nii hia a, ọmwa ne ọ ra gha rre ọfumwegbe i rrọ.

Jerimaia 21:10

I wa tae nẹ, wẹ I i ra sẹ ẹvbo na rae sokpan, I fuẹn ọnrẹn ruan. A gha mu ẹẹn ne ọba e Babilọn, ọ ghi vbe giẹn ọnrẹn muotọ. Mẹ ne Nọyaẹnmwa taa ẹe nẹ.”

Jerimaia 24:6

I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.

Jerimaia 39:12

“Wa ya gualọ e Jerimaia, ne uwa gbearoghe ẹre ẹsẹse, wa ghẹ kuan ẹre egbe sokpan, wa ru emwi ne ọ rhirhi nọ ne ẹẹn.”

Jerimaia 39:16

ne I tama Ẹbẹdmẹlẹk ne ovbi e Sudan wẹ e Nọyaẹnmwa ne Oghodua ne Osanobua Izrẹl khare wẹẹ, “Zẹ vbene I tae, ọkhọ ọ re I ra wẹ ne ọ rruan ẹvbo na ighe ẹ i re ọmaa, emwi na gha sunu, wẹ gha rre evba ne u bẹghe ẹre.

Jerimaia 44:11

“Rhunmwuda ọnii nian, mẹ ne Nọyaẹnmwa ne Oghodua, ne Osanobua Izrẹl gha mu aro aa uwa, I ghi fuẹn e Juda hia a.

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.

Ezikiẹl 5:2

U ghi gien obọkpa vbọ vbe adesẹ ore ẹvbo nii vbe okuo a ghi khọn gberra nẹ. U ghi viọ obọ ne ogieha nọkpa, u ghi ya umozo nii gha giagia ẹe kua vbe u a gha khian lẹga vbe u a ghi lahin ore ẹvbo nii rre nẹ. U ghi zagha obọ ne ogieha ne ọ dekẹe ku ẹhoho, mẹ gha ya umozo mwẹ khu ẹe.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.

Emọs 9:8

Mẹ ne Nọyaẹnmwa ne Oghodua wa baba Izrẹl ne ẹvbo emwa orukhọ na. I gha wa fuẹn ọnrẹn uan hin otọ agbọn rre, sokpan I i ra fuẹn ehia a ighe ivbi uniẹn Jekọb.

Zẹkaraia 8:10

Vbe ọ te do sẹ ẹghẹ ne a kha na, a i miẹn ọmwa ne ọ sẹtin rhie aranmwẹ ra ọmwa ne agbọn vbe iwinna, ọmwa ne ọ wa vbe fe vbe obọ eghian rẹn ẹ i rrọ. I keghi ru ẹe ne emwa viọ aro igbinna da egbe.