Emọs 9:2 - Edo Bible (E Baibol Ẹdo) Version 1996

² Ọ gha khọn iran ne iran kpahiẹ la ẹrinmwi vbe uwu otọ, te obọ mwẹ gha vba iran, ọ gha khọn iran, iran hin odukhunmwu la ẹrinmwi, te I silo iran tuorre.

Emọs 9:2 ပူးပေါင်းရင်းမြစ်များ

Job 20:6

Ọ sẹtin wan gbighidi, ọ ghi ya tan sẹ iso, ọ ghi kpọlọ sẹrriọ wẹ uhunmwu ẹnrẹn ghi gha dekan ikpakpa iso,

Job 22:13

Sevba, te uwẹ ye nọ wẹẹ, ‘De emwi ne Osanobua rẹnrẹn? Ikpakpaiso degue ẹre nẹ, vbe ọ ghi na sẹtin gha bu ohiẹn ima hẹ?’

Job 24:23

Osanobua sẹtin giee gha rrọọ vbe a i mwẹ ẹbe, sokpan ọ wa baba ẹe vbe ẹghẹ hia.

Job 26:6

Odaro Osanobua ọ re agbọn iran ni wulo nẹ ye. Emwi ne ọ degue ẹre hin ehe ne ọ ye rre i rrọ.

Job 34:22

Ebiebi ne ọ so sẹ ne ọ gha degue ọmwa orukhọ ne Osanobua, ẹ i rrọọ.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Jerimaia 49:16

Itengbemu ruẹ hiẹ ruẹ nẹ. Ai ghi miẹn ọmwa ne ọ muohan ruẹn zẹ vbene a te ka mu ohan ruẹn yi. Odukhunmwu okuta nekhua ni yo sẹẹ ọ re u diaa, odukhunmwu gban an ọghe avbe oke nekhua, ọ gha khọn ruẹn ne u ya gha rre uwu iso zẹ vbe oghohọn, te Nọyaẹnmwa ra siọ fi otọ. E Nọyaẹnmwa taa ẹe nẹ.

Jerimaia 51:53

Ọ gha khọn e Babilọn ne ọ khian la uwu iso ne ọ ya bọ ẹvbo ne a gbe odin ga ye odọ, te I gha ye gie emwa ne iran ya fuẹn ọnrẹn uan. Mẹ ne Nọyaẹnmwa taa ẹe nẹ.”

Ezikiẹl 26:20

I gha gie uwa gha rrie ẹvbo emwa ni wulo nẹ ne uwa ya deba avbe emwa ni ka gha rrọ ẹkpo nẹdẹ. I gha ru ẹe ne uwa gha rre agbọn ne ọ rre uwu otọ nii, vbe ehe ne avbe itowa etẹbitẹ nii ye ne uwa vbe avbe emwa ni wulo nẹ gba gha muobọ. Rhunmwuda, a i ghi ra dọlegbe yin uwẹ ne uwẹ ye rhie ihe ruẹ vbe uwu ẹbu avbe emwa ni ma he wu.

Ezikiẹl 31:14

Rhunmwuda ọnii, ke ẹghẹ na kpao, a i ghi miẹn erhan, ne ọ gha ye tan vberriọ ọvbehe vbene ọ khọnrẹn wẹ ne a gbe amẹ khakha ẹe sẹ hẹ, ẹ i ghi ra ya uhunmwu ha ikpakpiso gberra ọvbehe ne ọ ye ya tan sẹ vberriọ. Te iran hia ra wulo zẹ vbe emwa kẹkan, te iran ra ya egbe ba iran ni tuorre rrie ẹvbo iran ni wulo nẹ.”

Obedaia 1:4

Ọ gha khọn ruẹn ne u bọ owa ruẹ ye ehe ne ọ yo zẹ vbe oko oghohọn ne ọ ghi na do gha yevbe ne ọ rre ehe ne avbe orhọnmwẹ ye, Sevba te I ra siọ sẹ otọ.

Iyẹn ne ọ Maan Ọghe Luk 10:18

Jesu wanniẹn tama iran wẹẹ, “I miẹn vbe Setan de ke odukhunmwu dee vbe ayan.