Emọs 9:1 - Edo Bible (E Baibol Ẹdo) Version 1996

¹ I keghi ya bẹghe vbe Nọyaẹnmwa mudia ke Ogiukpo. I keghi vbe họn vbe. Ọ taa ẹe wẹẹ, “Wa kinmwi odukhunmwu orrẹ ni rre Ọgua Osa ne obọ da ẹe sẹrriọ wẹ ne ẹyotọ ẹre mu rueghe. Wa bunnọ ehia kua, ne uwa gie iran dele gbe avbe emwa nii uhunmwu. I gha gbele iran ni dekẹe vbe uwu avbe emwa nii vbe okuo. Ọkpa ne ọ gha rrie i rrọ, ọkpa ne ọ gha miẹn uhunmwu i rrọ.

Emọs 9:1 ပူးပေါင်းရင်းမြစ်များ

II Krọnikol 18:18

E Mikaia keghi rhie te ẹe wẹẹ, Banbanna nian, danmwehọ vbene Nọyaẹnmwa kha hẹ: “I keghi bẹghe vbe Nọyaẹnmwa miẹndia vbe ẹkete ẹre vbe ẹrinmwi, avbe odibo ẹre hia ke tẹn dia ke ẹe.

Psalm 68:21

Ẹ i mwẹ Nọyaẹnmwa ma va iran ne eghian rẹn uhunmwu. Ọghe avbe iran ni wa rhie egbe ye ẹmwẹ orukhọ iran.

Psalm 68:22

E Nọyaẹnmwa khare wẹẹ, “I gha viọ avbe eghian uwa dọlegbe ke Basian gha dee, I gha viọ iran werriegbe ke ototọ ẹzẹ okun gha dee.

Aizaia 30:16

Wa keghi kun ẹẹn ne uwa hin ẹsin ni rhulẹ ẹsẹse lẹ fua vbe obọ eghian uwa. Ẹmwata wa nọ, ulẹ ọ re uwa gha lẹẹ, wa ro wẹ avbe ẹsin uwa wa rhulẹ ẹsẹse, sokpan iran ni khu uwa khian gha rhulẹ sẹẹ.

Aizaia 6:1

Vbe ukpo ne Ọba Uzaia wu, I keghi bẹghe Nọyaẹnmwa. Ọ keghi tota ye ẹkete ẹre, ọ yo, ọ keghi vbe ye gelete, emwi ne ọ ya mu egbe keghi vuọn Ọgua Osa hia.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 42:16

Ẹghẹ nii, okuo ne uwa mu ohan rẹn gha khu uwa mu, ohanmwẹ ne uwa mu ohan rẹn gha lele uwa, Igipt vbe odọ niii ọ re uwa ra wulo yi.

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Ezikiẹl 1:28

awanwan na kegha mwẹ ẹmu ughughan ne ọ rre ere nukhunmwu. Ọnọna ọrọre ne awanwan ne ọ gbe ebiebi ye ọmwa aro, ne ọ vbe rhie ma wẹ e Nọyaẹnmwa rre evba. Ugbẹn vbe I ghi miẹn ọna, I keghi de mu aro rhu otọ, I keghi họn urhu okpa ne ọ khare wẹẹ,

Ezikiẹl 10:4

Uwanmwẹ ne ọ gbe ebiebi ye ọmwa aro nii, ne a ya rẹn ighe Osanobua rre evba, keghi ke ehe ne avbe aranmwẹ na ye kpao, ọ na laghe onurho Ọgua Osa, okuku nii keghi gba uwu Ọgua Osa, ẹghodo keghi vuọn ne uwanmwẹ ne wainwain.

Ezikiẹl 15:7

I ghi rri iran oya. Iran lẹ erhẹn ọkpa fe, sokpan erhẹn ọ re ọ ra ye vbe gien iran an nian. I gha rri iran oya nẹ, wa gha rẹn ighe mẹ ọrọre Nọyaẹnmwa.

Ezikiẹl 9:2

Vbe ọwarọkpa nii, arhin ehan keghi ke odẹ onurho ne ọ ke ore vbe odẹ okuọ gha dee, iran viọ emwi igbinna mwẹ. Orhiọnkpa ne ọ ya eto ovbiohuẹ mu egbe keghi lele iran, ọ mu emwi ne a ya gbẹnnẹ emwi mwẹ obọ. Iran hia keghi rre, iran na mudia ye ọkpẹn ogiukpo oze nii.

Emọs 3:14

“Ẹdẹ ne I gha rri ivbi Izrẹl oya ye orukhọ ne iran ru, I gha dunmwu Ogiukpo ne ọ rre Bẹtẹl rua, a gha vbe kpannọ igẹngẹn Ogiukpo hia kua, ehia ghi dele kuotọ.

Emọs 7:17

Rhunmwuda ọnii nian, Amezaia, e Nọyaẹnmwa tama ruẹn wẹẹ, ‘Amwọn gha khian ebabotu ye ughe. A gha gbele ivbuẹ ua vbe okuo. A gha gia otọe ruẹ, a ghi munọ ọẹn ne emwa ọvbehe, wẹ tobọ ruẹ ghi ya wu ye ẹvbo iran ni gho ẹbọ. Vbene a i na gbe awẹawẹ, a gha viọ ivbi Izrẹl kpao vbe otọe iran gha rrie iwe.’ ”

Emọs 7:9

A gha fuẹn ọnrẹn uan ighẹ ehe ne ivbi uniẹn Aizik na ru ugamwẹ. A gha ye ehe nọhuanrẹn ọghe Izrẹl khian itowa. I gha ru ẹe ne uniẹn e Jeroboam ne Ọba gbẹro.”

Habakọk 3:13

U ladian ya miẹn emwa ruẹn fan, u ya miẹn ọba ruẹ ne u hannọzẹ fan u kinmwiin ọkaolotu emwa dan fi otọ u keghi fuẹn irogho ẹre hia fẹẹrẹ.

Zẹfanaia 1:12

Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’

Zẹfanaia 2:14

Ọ gha do khian ehe ne avbe oghẹn ohuan, oghẹn ẹmila kevbe avbe aranmwẹ ughughan hia gha na gha lovbiẹ. Esughusughu gha di itowa ẹre ya, iran ghi gha tu la avbe ewindo ẹre ladian. Ẹrekhue ghi gha tu vbe onurho. A gha bannọ erhan isida ni rre owa ẹre hin rre.

Iyẹn ne ọ Maan Ọghe Jọn 1:18

Ọmwa ọkpa i rrọ ne ọ he bẹghe Osanobua aro ẹdẹ, rẹn ọkpa kẹkan ne ọ re emwi ne Osanobua vbe khin, kevbe ne ọ vbe diake Evbavba, ọre ọ rhie ẹre ma emwa.

Iyẹn ne ọ Maan Ọghe Jọn 1:32

Osẹe ne Jọn sẹẹ ọre ọna khin, “Mẹ miẹn vbe Orhiọn ke ẹrinmwi tuorre, ọ yevbe idu, ọ keghi rhuẹ yan rẹn.

Iwinna 26:13

Ọ ghi rre ẹghẹ ogiavan vbe ehe ne I na khian vbe odẹ nii Umogun, I keghi bẹghe uwanmwẹ ọkpa ne awanwan rẹn wegbe sẹ ọghe owẹn, ọ keghi ke odukhunmwu lẹga mwẹ kevbe iran ne ima gba khian.

Jọsua 10:18

Rẹn keghi kha wẹẹ, “Wa werriẹ avbe okuta ni kọnkọn ye onurho ne a la la uvun nii. Wa viọ emwa yọ ne iran gha khẹ uvun okuta nii.

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.

Arhie Maan 8:3

Odibosa ọvbehe ne ọ mu ọkpan eturari mwẹ obọ, keghi do mudia ke Ogiukpo. A keghi viọ eturari ni bun nẹẹn ne ọ viọ ba erhunmwu emwa Osanobua hia ne ọ vbe ya ẹe zọ ese vbe uhunmwu Ogiukpo ne ọ rre odaro ẹkete.