Emọs 8:12 - Edo Bible (E Baibol Ẹdo) Version 1996

¹² Emwa gha zozo ke Okun Nọwu gha rrie Okun e Meditẹrrenian, kevbe lẹga ke okuọ ya sẹ ekẹn. Iran ghi gualọ uhunmwu ne Nọyaẹnmwa gie rre vbe ehe hia, sokpan iran i ra miẹn.

Emọs 8:12 ပူးပေါင်းရင်းမြစ်များ

Itan 1:28

Ẹghẹ nii, wa ghi gha kpetie ẹwaẹn, sokpan, mẹ ira khuẹnniẹn. Wa sẹtin gualọ mwẹ lele ehe hia, sokpan, wa i ra miẹn mwẹ.

Itan 14:6

Ọmwa ne ọ ye obọ rra ẹwẹe ẹre okpa i sẹtin gha wan ẹdẹ, sokpan, ẹ i sọn emwa ẹwaẹn ruẹ emwi guẹ.

Itan 29:18

Ẹvbo ne Osanobua i gie odẹ ma, ẹvbo ne ọ ma dehẹnhẹn nọ. Afiangbe ọrọre ọghe ọmwa ne ọ rhie uhi Osanobua lẹre.

Ezikiẹl 20:3

“Ovbi ọmwa, gu avbe emwa na guan, ne u tama iran vbene Nọyaẹnmwa ne Udazi kha hẹ wẹ. Te uwa rre do nọ emwi ne ọ rrọ mwẹ ekhọe, ra ẹ i re erriọ? Omwa vbene a na miẹn wẹ mẹ ọrọre Osanobua ne ọ rrọọ, mẹ i ra kue ne uwa nọ mwẹ emwi rhọkpa. Mẹ ne Nọyaẹnmwa ne Udazi tae nẹ.

Ezikiẹl 20:31

Ye do sẹ ẹdẹ nẹrẹ na, emwi ọkpa ọ re uwa ye ya muohan, wa ghi vbe mu awua ye egbe uwa egbe vbekpa nene ẹbọ nii, vbekpa ne uwa na ya ivbi uwa zọ ese ne iran vbe uwu erhẹn. Sevba, wa ne ivbi Izrẹl ghi ye do gha nọ emwi ne ọ rrọ mwẹ ekhọe. Zẹ vbene aro wa dae ighe mẹ ọrọre e Nọyaẹnmwa ne Udazi, erriọ, mẹ ọrọre Osanobua ne ọ rrọọ. Mẹ i ra kue ne uwa nọ mwẹ ẹmwẹ rhọkpa.

Daniẹl 12:4

Ọ keghi tama mwẹ wẹẹ, “Banbanna, e Daniẹl, gue ebe nii ne u gbae rhie hin rre ọ te ya sẹ ufomwẹ agbọn. Vbe uwu ẹghẹ na nian, emwa nibun gha wa mu ẹghẹ iran rhia, iran ghi gha hia ne iran rẹn otọ emwi ni sunu khian.”

Hozia 5:6

Iran munọ ohuan kevbe ẹmila iran ne iran ya zọ ese ghe Nọyaẹnmwa, sokpan, ẹ i ruẹ ne iran. Iran i sẹtin miẹn ọẹn rhunmwuda, rẹn kpao sẹ iran rae nẹ.

Matiu 12:30

“Ọmwa ne ẹ i rre otu mwẹ, te ọ gunmwẹ gbinna. Ọmwa ne ẹ i gunmwẹ si emwi koko, te ọ duẹ ọre rua a.

I Samuẹl 3:1

Ẹghẹ ne ọmọ nii ighẹ Samuẹl na gha ga e Nọyaẹnmwa vbe ototọ Elai. E Nọyaẹnmwa i mobọ gie uhunmwu rre, umian ne ọ rhie ne ọmwa gha miẹn, ma vbe gha kpọ.