Emọs 8:10 - Edo Bible (E Baibol Ẹdo) Version 1996

¹⁰ I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Emọs 8:10 ပူးပေါင်းရင်းမြစ်များ

Gẹnẹsis 21:16

ọ na ya tota vbe omwa izowẹ iyisẹn, ọ na ye ekhọe tae wẹẹ, “Mẹ i sẹtin yan aro a gha ghe ọmọ nii vbe ọ wu khian.” Ugbẹn vbe irẹn ghi tota ye evba, rẹn na ghi gha viẹ.

Job 20:23

A giee rri emwi ne ọ ho hia, Osanobua gha ya ohu kevbe okuosu rri ẹre oya.

Job 3:5

Gi ẹe khian ẹdẹ akhiẹ kevbe ebiebi ne ọ mwẹ imi, ye okuku amẹ gue ẹre, ne u khiẹn owẹn fua vbọ.

Job 30:31

Ehe ne I na te họn emwi ne a kpe ne ọ rhiẹnrhiẹn yi, ẹzọ uwunu kevbe eve ọ re I ghi họn vbọ.”

Aizaia 3:24

Ne iran gha na te gha lo ori ne ọ winhin, iran ghi gha wia. Ne iran gha na te gha ya ugbẹkun ni mose gba, iran ghi gha lo irri ne khuarakhuara, ne iran gha na te gha mwẹ eto ne ọ mose, iran ghi gbe akpan, ne iran gha na te rhuan ukpọn ne ọ mose, iran ghi silo osọnmwẹ ukpọn ye egbe, a ghi fi ose iran werriẹ khian emwiekhue!

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 48:37

Iran hia khiokhio eto mu otọ iran keghi vbe gbẹn ẹtu iran. Iran valọ obọ iran, edọmwadẹ ọghọe keghi vbe rhuan ukpọn akhiẹ.

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Eve Orriara 5:15

Ọyẹnmwẹ lahin ẹdagbọn ima rre nẹ; akhiẹ ọ re ọ ghi rhie ihe iku ne ima te ku.

Ezikiẹl 7:18

Iran gha viọ ukpọn akhiẹ ye egbe, iran ghi gha guẹ kpẹkpẹkpẹ. A gha zẹlẹ iran hia eto, a ghi vbe fa iran uan.

Ezikiẹl 7:2

“Ovbi ọmwa, ẹmwẹ ne imẹ ne Nọyaẹnmwa ne Udazi tama ivbi Izrẹl ọre ọna khin: Ufomwẹ otọe ni rre nẹ!

Hozia 2:11

I gha dobọ ugie ne ọ do hia yi. Ugie ukpukpo kevbe ugie ukiuki ne ọ do deba, emwi ne ọ ru vbe Ẹdẹ Ikẹtin hia fẹẹrẹ, kevbe iko ugamwẹ ne ọ ko hia.

Hozia 2:13

I gha rria ẹre ikhi ye ẹghẹ ne ọ ya mianmian mwẹ, ọ na ya gha giẹn eturari ne Baal, ọ na silo ikpẹrọnmwọ ye egbe rhikhan lele avbe esiọre. E Nọyaẹnmwa taa ẹe nẹ.

Joẹl 1:8

Wa ne avbe emwa, wa gha viẹ vbe ọmọ okhuo ne ọ viẹ uwu ọdọ ne ọ te ra rọnmwẹ.

Levitikọs 13:40

Eto ọmwa gha khuọn kua vbe odieke ra odaro uhunmwu, ọnii ma mu awua gie ẹe.

Emọs 5:21

E Nọyaẹnmwa khare wẹẹ, “Ugie ugamwẹ ne uwa do hia wa sọnnọ mwẹ, I i ghi ho ne I bẹghe iran.

Emọs 5:23

Wa dobọ ihuan owogho ne uwa so yi; I i ghi ho ne I họn ẹmwẹ akpata ne uwa kpe.

Emọs 8:3

Vbe ẹdẹ ne ẹdẹrriọ, egbọ ne a te viọ vbe uwu ẹguae gha khian utumwẹ akhiẹ. Ikun orinmwi gha gba ehehia. A ghi ya gha la iran kua vbene a i na vbe ta ẹmwẹ ọkpa.”

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Diuteronomi 16:14

Ke uwa kevbe ivbi uwa, eguọmwadia uwa kevbe avbe e Livai, avbe ọrriọvbe, emọ ne ẹ i mwẹ erha, kevbe avbe ẹgbẹ ni rre ẹvbo uwa, wa ghi gha ya oghọghọ ru ẹe.