Emọs 7:7 - Edo Bible (E Baibol Ẹdo) Version 1996

⁷ I keghi vbe miẹn umian ọvbehe ke ehe ne Nọyaẹnmwa ye rre. Vbe uwu ẹre, I keghi bẹghe ẹre vbe ọ mudia ke ekẹn ne a ya emwi ne a ya mwa egbekẹn mwaa vbe a gbe ẹe, rẹn keghi vbe mwẹ emwi ne a ya mwa egbekẹn vbe obọ ẹre.

Emọs 7:7 ပူးပေါင်းရင်းမြစ်များ

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

II Samuẹl 8:2

Iyeke ọnii, obọ ẹre keghi vbe gba ivbi e Moab, ọ na wẹ ne iran ne obọ vbare vbọ lovbiẹ lele otọ, a na gbele eva sẹ ọkpa rae vbe arhin eha. Ẹre emwa e Moab na do gha rre ototọ ẹre iran na gha ga gie ẹe.

II Ọba 21:13

I gha rri e Jerusalẹm oya zẹ vbene I vbe rri e Sameria oya, zẹ vbene I ru Ehab ne ọba Izrẹl ke ẹe kevbe ivbi uniẹn ọnrẹn. Te I ra kpolo emwa ni rre Jerusalẹm hin rre, ọ ghi yevbe ọkpan ne a kpe nẹ, a keghi mu ẹre aro rhu otọ.

Aizaia 28:17

Ohiẹn ẹmwata ọrọre okun ne a ra tan ya mwa ẹyotọ ẹre, a ta ẹmwata ọ re a ra ya mwa egbe ekẹn ọnrẹn.” Okpẹhoho ọ re ọ ra kpolo ohoghe ne uwa mu ẹtin yan hia kua, orogho ghi guọghọ ekẹn ne uwa mwẹ kua.

Aizaia 34:11

Avbe esughusughu kevbe avbe ukhiokhio ọ re ọ ghi ra mu otọe nii ya khian ọghe iran. E Nọyaẹnmwa gha dọlegbe ya ẹe khian otọe ne ọ dihoi rua, zẹ vbene ọ ka gha ye a te do yi agbọn.

Eve Orriara 2:8

E Nọyaẹnmwa wa tae nẹ wẹ te ekẹn e Zaiọn gha de guọghọ ua. Ọ keghi mwa ẹnrẹn ne a miẹn ehe na miẹn wẹ, te a fuẹn ọnrẹn fo fẹẹrẹ. Ke owa ọkhẹ kevbe ekẹn ọnrẹn, itowa ehia ghi khin.

Ezikiẹl 40:3

Ọ si mwẹ sikẹ ọre, I keghi ya bẹghe ọmwa ne ọ fi wainwain vbe ẹrọnmwọ, ọ keghi rhie emwi ne a ya mwa emwi ne a ya eto ovbiohuẹ ru mwẹ obọ, kẹe kevbe ọkpọ ne a ya mwa emwi, ọ keghi mudia ye ọkpẹn onurho ẹvbo.

Emọs 7:6

E Nọyaẹnmwa keghi vbe fi ekhọe werriẹ ọ wẹẹ, “Ọna i ghi ra vbe sunu.”

Emọs 7:8

Rẹn keghi nọ mwẹ wẹẹ, “Emọs de emwi ne u bẹghe yi?” Mẹ keghi wanniẹn wẹẹ, “Emwi ne a ya mwa egbekẹn.” Rẹn keghi kha wẹẹ, “Te I ya ọna kha wẹ te emwa mwẹ ye vbe egbekẹn ne ẹ i rre uviẹn. Mẹ i ghi ra fi ekhọe werriẹ ọvbehe, te I gha rri iran oya.

Arhie Maan 11:1

Iyeke ọnii, iran keghi rhie erhan ne a ya mwa emwi yọ mwẹ obọ, iran tama mwẹ wẹẹ, “Gha khian ya mwa Ọgua Osa ọghe Osanobua kevbe Ogiukpo ni rrọọ, u ghi vbe ka avbe emwa ni ga vbe uwu Ọgua Osa nii.

Arhie Maan 21:15

Odibosa ne ọ gun mwẹ guan keghi mwẹ ọkpọ igoru ne a ya mwa emwi ne ọ ra ya mwa ẹvbo nii, kevbe ekẹn ọnrẹn, kevbe onurho ẹre.