Emọs 7:2 - Edo Bible (E Baibol Ẹdo) Version 1996

² Vbe uwu umian nii, I keghi bẹghe vbe avbe irhiso wa rri irunmwu ni ghi bi nunuunu hia vbe otọe nii, ọre imẹ na kha wẹẹ, “E Nọyaẹnmwa ne Udazi, yabọ emwa ruẹn, vbe iran ra ya miẹn uhunmwu hẹ vbe ọna? Iran wa kanmwa, iran ma vbe wegbe!”

Emọs 7:2 ပူးပေါင်းရင်းမြစ်များ

Psalm 12:1

Nọyaẹnmwa, yi ima obọ. Ọmwa nọmaa rhọkpa i ghi rrọọ. A i ghi miẹn ọmwa ẹmwata.

Ẹksọdọs 10:15

Iran keghi wa rhu gba otọ sẹrriọ ne ehia ghi na biua nunuunu. Iran na rri emwi ne ọ ghi zọ nẹ vbe otọe nii, ke vbe ọmọ erhan hia ne avan ne ukhumwu ghi fi yi. Emwi ọkpa ne ọ mwẹ ebe ne a ghi sẹrae i rrọọ vbe erhan kevbe irunmwu nii rre otọe Igipt.

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Aizaia 37:4

Ọgbaisi Asiria gie avbe ọkaokuo ẹre ne iran do kpa unu ghe Osanobua ne ọ rrọọ. Te Nọyaẹnmwa ne Osanobua ruẹ gha họn avbe ihẹn na ne ọ rri avbe emwa ne ọ kee ẹre unu rre oya. Rhunmwuda ọnii, na erhunmwu ghe Osanobua ne avbe emwa ima ni ghi miẹn uhunmwu.”

Aizaia 51:19

Odekun eva ọ re u vbaa vbe egbe, okuo guọghọ otọe ruẹ hia ohanmwẹ gbe avbe emwa ruẹn. A ma miẹn ọmwa ne ọ tohan ruẹn.

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Jerimaia 42:2

iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.

Ezikiẹl 11:13

Ehe ne I na wa guan ẹmwẹ akhasẹ nii, e Pelatia degbotọ, ọ keghi wa wu. I keghi de mu aro rhuotọ, I na datu wẹẹ, “Ẹ i re erriọ, e Nọyaẹnmwa ne Udazi, te u ra wa gbele emwa ni ghi kẹe vbe Izrẹl hia fo ra?”

Ezikiẹl 9:8

Ẹghẹ ne iran na wa gha gbele emwa khian nii, mẹ okpa ọ re ọ gha rre evba. I keghi de mu aro rhu otọ, I na datu wẹẹ, “E Nọyaẹnmwa ne Udazi, te ohu wa mu uwẹ sẹrriọ ra ne u ra na wa gbele emwa ni ghi kẹe vbe Jerusalẹm fo?”

Daniẹl 9:19

Nọyaẹnmwa, họn ọghomwa, Nọyaẹnmwa, yabọ mwa. Nọyaẹnmwa, họn ọghomwa, ne u guan yọ. Ne emwa hia miẹn ehe na rẹn ighe Osanobua wẹ khin, ghe si ẹe kpee vbe otọ Nọyaẹnmwa. Ẹvbo na kevbe emwa na, ọwuẹ ehia khin.”

Joẹl 2:17

Ohẹn ne ọ ga e Nọyaẹnmwa vbe ẹkpo onurho kevbe Ogiukpo Ọgua Osa, te iran gha viẹ ne iran gha na erhunmwu wẹẹ, “Tohan emwa ruẹn Nọyaẹnmwa, ghẹ gie ẹvbo ọvbehe zan mwa ra ne iran ya ima gha gbe ogie kha wẹẹ, ‘Osanobua uwa vbo?’ ”

Emọs 4:9

“I gie ẹhoho owowo rre ne ọ kaka uwa emwiokọ ua. Irhiso rri ugbo uwa kevbe ogba azara, erhan ohọ kevbe ọghe oliv. Sevba wa ma ye bu mwẹ rre.

Emọs 7:5

Ọre imẹ na kha wẹẹ, “Dobọyi e Nọyaẹnmwa Osanobua. Vbe emwa ruẹn ra ya miẹn uhunmwu hẹ vbe ọna? Iran wa kanmwa, iran ma vbe wegbe!”

Arhie Maan 9:4

A keghi tama iran wẹ ne iran ghẹ kuan avbe irunmwu ra avbe erhan ra ovbi erhan ke ovbi erhan ọvbehe, avbe emwa ne a ma vin ama Osanobua ye ọre egbe ọkpa, ọre a wẹ ne iran kuan ẹre egbe.