Emọs 7:16 - Edo Bible (E Baibol Ẹdo) Version 1996

¹⁶ “Rhunmwuda ọnii nian, danmwehọ vbene Nọyaẹnmwa kha hẹ. U wẹ ne I dobọ ẹmwẹ akhasẹ ne I ta yi, ne I ghẹghi talọ ku ivbi Izrẹl.

Emọs 7:16 ပူးပေါင်းရင်းမြစ်များ

I Ọba 13:1

Zẹ vbene e Nọyaẹnmwa gie ẹe, akhasẹ ọkpa keghi ke Juda gha rrie Bẹtẹl, ọ keghi wa sẹ evba vbe Jeroboam mudia ye ọkpẹn aka na ọ zọ ese.

I Ọba 22:19

E Makaia keghi rhie te ẹe wẹẹ “Danmwehọ vbene Nọyaẹnmwa kha hẹ! I keghi bẹghe vbe Nọyaẹnmwa tota ye ẹkete ẹre vbe ẹrinmwi, avbe odibo ẹre keghi mudia lẹga ẹre.

II Ọba 14:24

Rẹn keghi sẹ ẹmwẹ e Nọyaẹnmwa, vbe ne ọ na lele uviẹn ọkhọ ne erha ẹe odede ighẹ Jeroboam ne ovbi e Nebat lele, ọmwa ne ọ si Izrẹl obọ fi orukhọ.

Aizaia 30:10

Iran ghi khama avbe akhasẹ wẹ ne iran gue unu. Iran ghi kha wẹẹ, “Ghẹ ta ẹmwẹ emwi ne ọ re nọgbae ma ima. Ta emwi ne ima ho ne ima họn ma ima, gie ima hẹko gha dada ebibi ekhọe mwa khian.

Ezikiẹl 13:2

“Ovbi ọmwa, ta ku avbe akhasẹ ni rre Izrẹl, emwa ni zẹ ẹmwẹ obọ iran ta zẹvbe ẹmwẹ akhasẹ. Tama iran ne iran danmwehọ ẹmwẹ e Nọyaẹnmwa.”

Ezikiẹl 16:35

Rhunmwuda ọnii nian, e Jerusalẹm ne ẹwia! Danmwehọ vbene Nọyaẹnmwa ne Udazi kha hẹ.

Ezikiẹl 20:46

“Ovbi ọmwa, tọn aro mu ghe odẹ ekẹn. Ta ku odẹ ekẹn ne u vbe guan ẹmwẹ akhasẹ ghe avbe ẹgbo ni rre odẹ ekẹn.

Ezikiẹl 21:2

“Ovbi ọmwa, ta ku e Jerusalẹm. Ta ku ehe ne emwa na ru ugamwẹ. Tama otọ Izrẹl yotọ wẹ,

Emọs 2:12

Sokpan, wa kegha ya ayọn ne Nazarait da, wa na wẹ ne avbe akhasẹ ghẹ ta uhunmwu ne I gie iran re ma uwa.

Emọs 7:13

Gie iran gha ha ruẹ osa yọ. Ghẹ ghi guan ẹmwẹ akhasẹ vbe emwa vbe Bẹtẹl ọvbehe. Ehe ne Ọba na ga ọ re ọna khin, Ọgua Osa ẹvbohoho.”

Maika 2:6

Emwa nii gha na iyẹn mwẹ iran wẹẹ, “Ghẹ ghi ya unu salọ ima. Ghẹ ghi talọ egbe ẹmwẹ nii. Osanobua i fa ima an.

Diuteronomi 32:2

Iruẹmwi mwẹ gha rhọ rre zẹ vbe ikpẹ amẹ, ẹmwẹ mwẹ gha rhọ yan ivbi erhan zẹ vbe amẹ, zẹ vbe amẹ ne ọ wẹwẹ yan irunmwu ne vbọkhọọ.

I Samuẹl 15:16

E Samuẹl keghi tama rẹn wẹẹ, “Ta ẹe sẹ evba. I gha tama ruẹn ẹmwẹ ne Nọyaẹnmwa tama mwẹ nasọn.” E Sọl keghi kha wẹẹ, “Ta ẹe ma mwẹ.”