Emọs 7:15 - Edo Bible (E Baibol Ẹdo) Version 1996

¹⁵ Sokpan e Nọyaẹnmwa keghi rhie mwẹ hin ehe ne I na su ohuan rre, ọ na tama mwẹ wẹ ne I ya gha guan ẹmwẹ akhasẹ ma ivbi Izrẹl ne emwa irẹn.

Emọs 7:15 ပူးပေါင်းရင်းမြစ်များ

II Samuẹl 7:8

Rhunmwuda ọnii, ya tama Devid ne ọguọmwadia mwẹ wẹẹ, “Mẹ ne Nọyaẹnmwa ne Oghodua ọ re ọ tama rẹn wẹẹ, ‘I rhie ruẹ ke ehe ne u na su ohuan vbe uwu oha ladian ne u do su ivbi Izrẹl ne emwa mwẹ.

I Ọba 19:19

Elaija ghi ladian, ọ keghi vba Elaisia gha ya oghẹn ẹmila gua, oghẹn owọrọ keghi kodaro ne irẹn, ne ọ ke odieke vbọ ọre ọ ghi ya gua. Elaija keghi ban agbada ẹwu ẹre, ọ na mu ẹẹn yọ Elaisia.

Jerimaia 1:7

Sokpan e Nọyaẹnmwa tama mwẹ wẹẹ, “Ghẹ kha i ghẹ ọvbokhan u khin, sokpan, bu iran ne I giẹ ọ bu gha khian, ne u vbe talọ emwi hia ne I wẹ ne u tama iran ma iran.

Jerimaia 26:12

Ẹre imẹ na kha wẹẹ, “E Nọyaẹnmwa ọ re ọ gie mwẹ wẹ ne I talọ avbe ẹmwẹ ne uwa họẹn vbe unu mwẹ vbekpa Ọgua Osa na kevbe ẹvbo na.

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Matiu 9:9

Jesu keghi kpao vbe evba rre, ugbẹn vbe ọ ghi khian ọ miẹn okpia ọkpa ne a tiẹre Matiu, ọ tota ye ehe ne ọ na koko igho uhunmwu. Ọ keghi khama rẹn wẹẹ, “Lele mwẹ.” Matiu keghi guakpao, ọ na lelẹe.

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 4:20

Rhunmwuda, ẹ i gie ima ru wẹ emwi ne aro ima sẹe nẹ, ehọ mwa vbe họn ẹn nẹ, ne a ghẹ ghi ta ẹe ladian.”

Iwinna 5:20

“Wa gha rrie uwu Ọgua Osa ne uwa ya gu emwa hia guan vbe kpa arrọọ ọghe ọgbọn na.”

I Samuẹl 10:11

Emwa ni ka rẹn ọnrẹn yi ghi miẹn ọẹn vbe ọ ru emwi vberriọ, iran kegha nọ egbe wẹẹ, “Vbọ ghi rruan ovbi e Kis yi? E Sọl vbe khian akhasẹ nẹ ra?”